A Aprendizaxe para o Servizo é unha ferramenta pedagóxica que permite dar resposta ás necesidades da comunidade educativa mediante o traballo en equipo tanto do alumnado como do profesorado.

Grupos de diferentes perfís procuran temas ou problemática do seu interese e traballan para espertar a conciencia e o pensamento crítico con fin de cambiar patróns ou estereotipos arraigados que impiden un desenvolvemento saudable da persoa.

Velaquí tedes os resultados dos proxectos de 4º ESO no curso 203-24:

Para difundir a información realizaron charlas e talleres nos grupos da ESO e unha exposición final no patio do instituto á que se invitou tamén ós pais e á prensa.

O ALUMNADO DO CICLO SUPERIOR DE PREVENCIÓN DE RISCOS PROFESIONAIS REALIZA UNHA FORMACIÓN PRÁCTICA EN LOITA CONTRA O LUME

Como en cursos anteriores o alumnado de 1º do CS Prevención de Riscos Profesionais acudiu o luns 10 de xuño ás instalacións de Seganosa en Salvaterra do Miño para poñer en práctica os coñecemos adquiridos módulo de Emerxencias sobre extinción do lume mediante emprego de extintores tanto de pó como CO2 e mangueiras. Agradecemos ao persoal de Seganosa a súa colaboración na formación do noso alumnado.

O pasado xoves, 30 de maio o alumnado de 1º curso do Ciclo Superior de Prevención de Riscos Profesionais participou de xeito activo neste obradoiro impartido pola asociación VODEA co obxectivo de poñer en práctica os coñecementos adquiridos en primeiros auxilios no módulo de Emerxencias.

Como en cursos anteriores, agradecemos ao voluntariado de Vodea a suá dispoñibilidade para compartir co noso alumnado os protocolos de actuación en primeros auxilios.

O pasado xoves 9 de maio organizamos  no contrato-programa Innova e coa colaboración do Departamento de Edificación e Obra Civil unha saída para que o alumnado tivese a ocasión de coñecer de primeira man diferentes materiais e solucións construtivas que ofrecen tres empresas da nosa contorna: Forjados Hermanos Durán, Granichan e Casa Bio, as cales lle agradecemos a magnífica acollida que nos fixeron. 

Nova folla de matrícula da ABAU 2024.Pica aquí.

Os alumnos de 2º de bacharelato que se deban matricular na convocatoria ordinaria da abau deberán imprimir esta nova folla de matricula e destruir a que se lle entregou está mañá, a ciug achegou está última o final desta mañá.

Xa saiu  a Resolución do 16 de abril de 2023 da Dirección Xeral de Educación, Formación Profesional e Innovación Educativa, pola que se ditan instrucións para o acceso e admisión do alumnado ás ensinanzas artísticas superiores de Galicia para o curso 2024/25.

O prazo de  Incripción  esta comprendido entre o 26 de abril e o 21 de maio de 2024. As persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o día 25 de XUÑO.

As solicitudes deberán realizarse de xeito telemático cubrindo o formulario dispoñible en https://www.edu.xunta.gal/eas/ e empregando o certificado dixital ou sistema de usuario e clave Chave365 (https://sede.xunta.gal/chave365). Importante seguir instrucciones GUÍA INSCRICIÓN

A PROBA DE ACCESO para quién no reuna os requisitos académicos ( proba sustitutiva dos requisitos de titulación) celebrarase o 30 de maio de 2024 no IES San Clemente, de Santiago de Compostela

 As PROBAS ESPECÍFICAS de acceso ás ensinanzas artísticas superiores terán lugar nos centros de ensinanzas artísticas superiores de Galicia, segundo o calendario que figura nos anexos da resolución.

LIGAZÓNS DE INTERESE

• RESOLUCIÓN do 16 de abril de 2024, da Dirección Xeral de Formación Profesional, pola que se convocan probas e se ditan instrucións para o acceso e admisión do alumnado nas ensinanzas artísticas superiores da Comunidade Autónoma de Galicia para o curso 2024/25.
• ORDE do 21 de novembro de 2016 pola que se regula a ordenación das ensinanzas artísticas superiores de Música e se regula a proba específica. 
• Inscrición telemática.
• Dar de alta a Chave365
• Guía de Inscrición
  

PEDRO RODRÍGUEZ RODRÍGUEZ, alumno do CS Programación da produción en fabricación mecánica, acompañado polo seu titor Javier Fondevila Blanco, acada a MEDALLA DE PRATA na competición a Fresado CNC  nas SpainSkills 2024 celebradas no Ifema do 9 ao 13 de abril.

Parabéns ao alumno e o seu titor!!

Parabéns tamén aos alumnos co Curso de Especialización de Robótica Colaborativa Yago Couso Del Río e Nerea Cabaleiro Bastos co seu titor Antonio Ramilo que participaron nas SKILLs de demostración.

Como todos os anos a Organización Internacional do traballo (OIT) conmemora o DÍA MUNDIAL DA SEGURIDADE E SAÚDE NO TRABALLO. Este ano ten como finalidade reflexionar sobre as repercusións do cambio climático na seguridade e saúde das persoas traballadoras.

Algúns exemplos de riscos laborais agravados polo cambio climático son o estrés térmico, a radiación UV, a contaminación atmosférica, os accidentes industriais graves, os fenómenos meteorolóxicos extremos, o aumento das enfermidades transmitidas por vectores e a maior exposición aos produtos agroquímicos. Estes, poden afectar tanto á nosa saúde física como o noso benestar emocional.

O alumnado e  o profesorado do Ciclo Superior de Prevención de Riscos Laborais do IES Politécnico convidámosvos a conmemorar este día lembrando a todas as persoas traballadoras falecidas neste ano en Galicia por mor do traballo.

A nosa compañeira Isabel Rodríguez preparounos un vídeo para  conmemorar  o 28 de abril de 2024.