Recomendaríao porque é unha historia moi entretida na que se mesturan a fantasía e a realidade. Asemade, é incrible como Mortimer (normalmente chamado Mo) lle transmite a paixón polos libros á súa filla Meggie.
O libro trata de que Mo e Meggie teñen o poder de, a través da lectura, traer á realidade personaxes dos libros e viceversa. Capricornio, un personaxe extraído por Mo, obrígao a el e a Meggie a traer á realidade á Sombra, entre outros personaxes, para facer o mal na Terra. Mo, Meggie e a súa tía, entre outros, terán que evitar que isto pase.
Recomendaríallo a quen lle gusten as historias de fantasía. Tamén á xente que guste moito da lectura, xa que nesta obra todos os protagonistas senten un gran amor cara aos libros.
Noa Varela Domínguez (1º ESO B)
Vídeo promocional:
