Atopámonos xa na grella de saída para darmos comezo ás diversas actividades culturais na nosa especial conmemoración do IV Centenario da morte destas dúas figuras senlleiras da literatura universal: Cervantes e Shakespeare. Desde os Departamentos de Linguas e a Biblioteca, queremos deixar constancia do noso agradecemento pola entusiasta implicación e o traballo en común dos Departamentos de Actividades Físico-Deportivas, Educación Física, Comercio, Física e Química, Música e Educación Plástica na organización das mesmas; pola magnífica tarefa realizada, tanto na decoración do centro, -a cargo do alumnado de FPB, ESO e Ciclos de Comercio-, como na laboura de investigación levada a cabo polo alumnado dos distintos cursos, así como polo esforzo desenvolvido na preparación das representacións musicais e teatrais. Todo isto non sería posíbel sen a coidada monitorización das diversas actividades baixo a responsabilidade do alumnado do CMAFD. Igualmente, agradecemos a xenerosa colaboración e o apoio incondicional do Equipo Directivo que prestou todo tipo de facilidades para a boa colledura deste proxecto.
On with the show!!!!