Helier e Marcos hai uns anos foron antigos alumnos e agora xa son profesores en prácticas, o primeiro de Educación Física e o segundo de Bioloxía. Polo que se ve, decidiron seguir este camiño que non é tan fácil como parece dende fóra, e aquí están entusiamados co seu futuro. Temos que agradecerlles que quixeran compartir na nosa Biblioteca e coa mocidade actual que aquí acudiu no recreo interesada e disposta a pasar un bo rato, uns relatos que elixiron do libro "Made in Galiza" de Sechu Sende: O ladrón de palabras, Falar, Unha palabra común, O paracaídas, Nin en soños vou perder a miña lingua, Estou contigo,que leron alternativamente con moita arte, deixando clara a súa postura en defensa da lingua galega que debemos coidar, como expresaron na introdución que fixeron para explicar as lecturas que seleccionaron e que tanto nos gustaron.

Máis información no blog da Biblioteca

Máis información no blog da biblioteca

O 31 de marzo visitounos a fisioterapeuta Vanesa Viñas, que ademais de lernos uns fragmentos do libro "El niño con el pijama de rayas" de John Boyne, deunos variados consellos para cuidar o noso corpo.  Foi unha sesión moi interasante na que espíritu e corpo foron agraciados coas palabras da nosa invitada. Unha mágoa que por problemas técnicos non puidesemos recoller dita gravación.

            Convidamos a Xosé Ramón Paz Antón para que nos presentara o seu libro sobre O DOUTOR ZUNZUNEGUI.

            Paz Antón é historiador, pintor, deseñador, músico, escritor, político …

            En 1980 fundou o grupo musical Na Lúa, co que chegou a editar oito discos  entre 1985 e 2001, ano da súa disolución: Na Lúa (1985), A estrela de Maio (1987), Ondas do mar de Vigo

(27 E 28 DE ABRIL DE 2016)

            Como xa é tradicional, en abril os alumnos/as de 4º ESO visitamos Pegullal, Avalle e Picoña, os nosos pazos: espazos privados abertos polos seus propietarios  para nós; deferencia que agradecemos.

            Móvenos o desexo de coñecer ben os elementos patrimoniais do noso entorno, de familiarizarnos coa arquitectura pacega (complexos que conxugan ben a construción residencial con áreas de lecer, edificacións funcionais e aspectos simbólicos de relevancia)  e imaxinar o modo de vida fidalgo nos séculos de apoxeo, así como percibir o significado da súa decadencia e as diversas estratexias e situacións actuais de conservación ou recuperación dos edificios; ao mesmo tempo é ocasión inmellorable para introducirnos na heráldica.

            A visita foi unha situación, un intre, de aprendizaxe (recollemos datos, anotamos detalles, inscricións...), pero tamén de convivencia, axudados polo bo tempo primaveral.

            Sen embargo, faltábanos a presenza querida do profesor Manuel Prego Español, experto guía que nos acompañou en tantas ocasións, ilustre e apaixonado defensor e divulgador das nosas antigüidades; amigo xeneroso.

“Todo se ha dormido.

Se ha dormido todo. La ventana. Y la nieve en la ventana (...)”

(Joseph Brodsky)