Desta volta non foi a meteoroloxía a que puxo impedimentos, senón a ben coñecida epidemia que nos deu por acompañar este ano 2020.
Aínda así, organizamos na semana de San Martiño a festa tan arraigada a nós do Magosto Terrorífico, na que fusionamos as dúas tradicións: o magosto e o samaín.
Para ir creando ambiente, nos días previos, nas aulas de Lingua Galega falouse do magosto tradicional galego e da Santa Compaña.
Desde o luns 9 toda a comunidade educativa se involucrou coa actividade e, por un lado, o profesorado fixo cucuruchos, picou castañas, aportou leña... e, polo outro, o alumnado foi traendo os seus calacús, que este curso se expuxeron nas escaleiras da entrada principal, e enviando os vídeos en Tik Tok ou curtametraxes terroríficas á aula virtual ou por correo electrónico. Ambos elementos, cabazas e vídeos, formaban parte do concurso por aula.
E o xoves 12, os nosos asadores, Pepe, Juan Carlos e Rubén, coa axuda incondicional de Begoña, asaron quilos e quilos de castañas que logo se repartiron entre o alumnado durante o recreo. Desde aquí queremos felicitalo (o alumnado) porque cumpriron á perfección as dúas encomendas: non enfarruscar a ninguén e depositar os restos nas papeleiras. Parabéns!
Preme no vídeo.
Premiouse a aula que mellor organizou a actividade de forma global (elaboración de calacús e vídeos de medo) e a gañadora indiscutible resultou 1º B, da titoría da profe Ana Varela. Noraboa!
Se queres ver os vídeos, preme nos enlaces:
1º B (gañadores):
Vídeo 1
Vídeo 2
Vídeo 3
Agora só resta desfrutar da xornada de xogos populares no Penedo Redondo que terá lugar un día da próxima semana desde as 11.30 da mañá.
