IES Ramón Otero Pedrayo - A Coruña |
|
NavegaciónIniciar sesión |
ArticlesEducación Física - Sub CategoriesHÁBITOS NOCIVOS NA SAÚDEEnviado por Anónimo o Lun, 21/03/2022 - 17:23Os grupos de 2ºESO estivemos a traballar nas consecuencias de malos hábitos relacionados co consumo de sustancias nocivas sobre o noso corpo e saúde. Ademáis da labor de investigación, fixemos exposicións para concienciar a outros grupos do instituto.
RECREOS ACTIVOS - COMPETICIÓNSEnviado por Anónimo o Xov, 10/02/2022 - 20:23Dende que comezou o curso estase animando ao alumnado do centro a aproveitar o seu tempo de recreo facendo actividades deportivas con distinto material que teñen dispoñible. Agora que a covid está a dar algo máis de “respiro” dende que volvimos das vacacións do Nadal, aproveitamos para engadir o formato competición. Comezamos cos 3 grupos de 4º ESO, que están a participar entre eles/as nunha liga de bádminton, aproveitando que estiveron practicando recentemente este apaixonante deporte nas clases de Educación Física.
Empregar os recreos nestas actividades aporta numerosos beneficios ó alumnado, entre outros aumenta a súa concentración para a seguinte clase porque o exercicio moderado potencia as funcións cognitivas. Velaquí dous enlaces á noticia, sobre o estudo do Centro de Investigación do Deporte (CID) da Universidade Miguel Hernández (UMH) de Elche, de hai 4 meses, feito a rapaces/as de 13-17 anos, idade dos/as nosos/as escolares.HÁBITOS DE VIDA SAUDABLEEnviado por Anónimo o Xov, 20/01/2022 - 18:22Os rapaces/as de 1º ESO recordamos tamén na materia de Educación Plástica a importancia de manter uns hábitos de vida saudables e que hábitos nocivos coma o sedentarismo ou o consumo de tabaco e bebidas alcohólicas teñen efectos moi negativos no noso benestar físico, psíquico e tamén social.
Velaquí un exemplo de traballos voluntarios feitos por varios de nós:
XORNADAS DEPORTIVAS - FIN 1º TRIMESTREEnviado por Anónimo o Ven, 24/12/2021 - 16:27No instituto celebramos a chegada das festas de Nadal o pasado martes 21 cunha xornada deportiva. Ó longo de todo o día os alumnos/as de todos os cursos e tamén o profesorado foron pasando polo pavillón e patios exteriores para desfrutar da práctica de diferentes xogos populares e tamén deportes que estiveron traballando ao longo deste 1º trimestre nas clases de Educación Física.
Esperamos que desfrutedes destas festas con responsabilidade, e por suposto non vos esquezades da importancia de manter unha vida activa tamén durante as vacacións.
¡¡ Bo nadal !!
Actividades complementarias e extraescolares - curso 2021/2022Para o curso 2021 - 2022 iranse retomando as actividades complementarias e extraescolares segundo a situación da pandemia Covid-19 así o permita. Ditas actividades serán incluídas na Programación Xeral Anual, e estarán condicionadas á evolución da situación sanitaria así como as posibles restricións que poida haber a nivel de localidade e a nivel das propias actividades.
SAÍDAS:
1ºESO:
Iniciación á escalada en rocódromo. 11,00 - 14:15 Rocódromo cuberto de Riazor. Datas previstas para levala a cabo: 2º trimestre
Equipamento: Roupa e calzado deportivo que nos permita flexibilidade. Custo da actividade 4 euros.
2º e 3º ES0:
Iniciación ao surf . 8,45 - 14,15 Prevista a súa realización no mes de maio, nunha das praias próximas á Coruña. Obrigatorio saber nadar para participar na actividade. Equipamento: Mochila con bañador, chanclas, toalla e crema solar. Custo da actividade 12 euros.
4ºESO:
Xornada final actividades físicas no entorno natural (O Pedrido): Orientación + kayak. 8,45h - 18:00h. Data na que se realizará: martes 21 de xuño Obrigatorio saber nadar para participar na actividade. Equipamento: Vestimenta adecuada para andar e mochila con bañador, camiseta e calzado para ir á auga, toalla e crema solar. Coste aproximado da actividade 20 euros.
ACTIVIDADES NO CENTRO:
– Actividades que poidan xurdir ao longo do curso interesantes para a área de E.F. - Xornada de xogos populares e multideporte 21 de decembro. - Coñece o meu club: Club Polvo Ultimate fresbee, Fútbol Gaélico Fillos de Breogán, Club Orientación APA Liceo, Tiro con arco, Esgrima 100tolos, Escalada AMI, centro deportivo McFIT... e outros clubes do entorno que poidan aportar unha aproximación ou toma de contacto a actividades deportivas non realizadas habitualmente.
VISITA AO XIMNASIO MCFIT A CORUÑAEnviado por Anónimo o Xov, 09/12/2021 - 17:29O ximnasio que temos ao carón do instituto deunos a oportunidade de visitarlles e coñecer de primeira man as súas instalacións e oferta de actividades. Os alumnos/as de 4º ESO coñecemos unha nova posibilidade de práctica de actividade física para o tempo de lecer. Recordáronnos a importancia de manter un estilo de vida activo e ademáis Miriam Rumbo deunos unhas clases dirixidas moi animadas e completas. ¡¡Moitas grazas por todo!!
PUNTILLISMO “SAUDABLE”Enviado por Anónimo o Xov, 09/12/2021 - 11:23A profesora Cillas estanos a recordar en 1º ESO a importancia do consumo de froitas e verduras como base da nosa alimentación mediante o puntillismo, técnica de pintura artística innovadora e sorprendente que nos permite crear unha obra completa punto a punto, velaquí algúns exemplos do traballo que fixemos.
Aproveitamos para recordar a estreita relación entre alimentación, actividade física e saúde. As vitaminas e minerais presentes nos alimentos vexetais axúdannos a fortalecer tódalas células, órganos e sistemas do corpo. ¡¡ ARRINCANDO MOTORES !!Enviado por Anónimo o Xov, 09/12/2021 - 11:19Este curso a pandemia estanos a dar algo máis de “respiro”, así que dende o instituto queremos aproveitar para aumentar a cantidade de actividade física que fan os nosos/as escolares tanto dentro como fóra do centro, porque xa sabemos dos moitos beneficios que ten para a súa saúde física e tamén psíquica. Todo isto sen esquecernos da necesidade dunha correcta alimentación, descanso e hixiene persoal. Neste apartado iremos informando tanto alumnos/as como profesores/as sobre contidos relacionados cos hábitos de vida activa e saudable que estamos a levar a cabo os distintos departamentos colaboradores neste proxecto.
Para comezar o curso, reimplantamos os "Recreos Activos" en todos os cursos, onde animamos a participar aos rapaces/as no tempo de recreo en actividades deportivas con distinto material que teñen dispoñible, simplemente cumplindo unhas normas de bo uso e comportamento.
Profesores do departamento - Curso 2023/2024
Cristina María de Prada Creo - Xefa do departamento. - Imparte Educación Física en 1ºESO e proxecto competencial en 3ºESO e 4ºESO.
Pedro Luis Vázquez García - Imparte Educación Física en 2ºESO.
Juan Manuel Vázquez Vilaboa - Imparte Educación Física en 3ºESO e 4ºESO.
José Carlos Suárez Vázquez - Imparte Educación Física sección bilingüe 1ºB e 1ºC Actividades complementarias e extraescolares - curso 2020/2021
Para o curso 2020 - 2021 non se propoñen actividades complementarias e extraescolares pois a situación de pandemia Covid- 19 así o aconsella. Se ao longo do curso a situación sanitaria mellorase abriríase a posibilidade se recuperar algunhas das mesmas e quedarían recollidas tanto na programación coma na memoria final do curso e nas actas do departamento.
|
Eventos
|