4º ESO

O pasado martes, o alumnado de 4º ESO desprazábase ao Auditorio provincial para disfrutar do talento dos compañeiros e compañeiras do IES Taboada Chivite de Verín derrochado no MUSICAL DOS MUSICAIS. Que marabilla! Que espectáculo nos ofreceron! Parabéns e máis parabéns.

 

 

Co obxectivo de espallar os valores da democracia entre a xente moza (neste caso, o alumnado de 4º ESO), onte visitaron o noso centro Roberto Castro García, Pablo Xabier López Vidal e Xosé Francisco Ferreiro Abelleira, ex-parlamentarios de diferentes cores políticas. O acto comezou cunha pequena exposición de cada un relativa ao parlamento para, a continuación, darlle paso ao alumnado para que fixera as preguntas que estimara convenientes. E moitas houbo!

Esta actividade complementa a visita ao Parlamento e Xunta de Galicia dos nosos rapaces e rapazas xa fixeran en 1º ESO.

Hoxe a prensa faise eco da participación do Otero Pedrayo no programa Educando en Xustiza. En tres sesión distintas, todo o alumnado de 4º ESO tivo a oportunidade de presenciar varios xuizos en directo, nunha das salas do Xulgado do Penal de Ourense.

A maxistrada, Susana Pazos, antes de comezar a sesión, dáballe detalles ao alumnado sobre o xuízo que ían ver, explicándolle a función de cada un dos axentes que intervirían nel e abrindo rolda de preguntas para que os nosos rapaces e rapazas non quedaran con ningunha dúbida.

Ao final, aínda tiveron oportunidade de visitar os calabozos e a sala de recoñecemento no soto do edificio, que os deixou realmente impactados.

O destino escollido para a viaxe de fin de curso de 4º ESO é xa un clásico: Londres. Á rapazada encántalle visitar a cidade inglesa!
Percorreron os lugares máis emblemáticos (o Big Ben, a Ponte e Torre de Londres, Candem, Covent Garden, St. Paul´s, parques, museos... )
Foi unha viaxe moi completa, divertida e con mil aventuras. Unha experiencia máis de vida!

 

A semana pasada, o alumnado de 4º ESO puido experimentar a sensación de moverse baixo os efecto do alcol e as drogas a través de gafas de simulación; comprobaron a taxa de alcol con etilómetros, pasar diferentes probas de detección de drogas... todo isto nun obradoiro que logo se viu complementado cunha charla titulada "Mocidade, alcol e drogas".

O noso agradecemento ao Concello de Ourense e á propia Xefatura de Tráfico da cidade polo desenvolvemento desta actividade. Grazas David Llorente, Xefe Provincial de Tráfico de Ourense; Javier Barja, tenente do subsector de Tráfico da Garda Civil de Ourense, e Sinda Aguiar, coordinadora de Educación Vial da Xefatura de Tráfico de Ourense.