Novas

PARA QUE ESTUDOS PODES SOLICITAR UNHA BOLSA?

No documento que se xunta pódense consultar os libros de texto para o vindeiro curso 2023-2024.

Estes días temos no Centro a exposición itinerante  Sen cancelas. Memorias do arco da vella en Galicia, proxecto expositivo que poñen en marcha o Consello da Cultura Galega (CCG) e a Consellería de Promoción do Emprego e Igualdade. Premendo aquí podedes descargar o Dossier da exposición.

O 23 de febreiro de 1837 naceu en Santiago de Compostela Rosalía de Castro. Dende o IES de Oroso queremos conmemorar esta data  co agasallo dunha planta literaria que nos recorde a súa figura.

O pasado venres 17 de Febreiro celebrouse no IES a festa de Entroido, coa participación activa de todo o alumnado e profesorado.

A xornada  comezaba co alumnado de 4º vendendo produtos típicos do entroido para poder conseguir financiamento para a excursión de fin de curso, e seguía coa celebración do partido entre o profesorado e as aulas de 1ºC e 4ºB que fora aprazado en Nadal. No concurso por clases, cada grupo debía de sorprender coa súa maxia e o xurado quedou namorado do grupo de 1ºB que, acompañados do profe Roberto e baixo o ritmo do Gagnam Style, alzouse coa victoria.

Aquí vos deixamos unhas imaxes do que foi a volta da maxia do entroido ao noso IES, o cal xa levaba uns días engalanado grazas á exposición dos entroidos tradicionais de Galicia elaborado polo alumnado de 3º ESO baixo a dirección de Gemma (profe de LGeL) e de Roi (profe de EPVA). Premede na imaxe para acceder a elas.

O día 16 de xaneiro de 2023 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

• O prazo de solicitude abranguerá do 16 de xaneiro ao 6 de febreiro do 2023, ambos incluídos.

Tanto a presentación das solicitudes como a consulta das listaxes de admitidos, que se publicarán antes do día 28 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

Publícase o calendario de exames de recuperación de materias pendentes de cursos anteriores para os días 30 e 31 de xaneiro a partir das 16.30 horas. Pódese consultar no ficheiro que se xunta ou premendo aquí.

INFORMACIÓN BECAS MINISTERIO DE EDUCACION Y FORMACION PROFESIONAL
CURSO 2022/23

Os alumnos que actualmente cursan 4ª ESO e, para o curso 2022/23, van a estudar bacherelato ou un ciclo medio de Formación Profesional teñen a posibilidade de solicitar unha beca do Ministerio de Educación e Formación Profesional.
Os trámites hai que facelos a través de páxina web  www.becaseducacion.gob.es donde, ademais, tedes toda a información dos procedementos a seguir.
O prazo é do 30 de marzo ata o 12 de maio de 2022.

Entrega de premios do II Concurso de Postais de Nadal organizado polos departamentos de Francés e Plástica. A nosa noraboa aos premiados/as e a todos os participantes.

Premendo na imaxen podedes ver as postais gañadoras.

1º premio.  Lúa Bouza Silva
2º premio.  Almudena Sánchez  Calviño
3º premio. Nerea Barcala Bouza
3º premio. Sara Juncal Marzoa  

Parabéns a todas!!!