O Consello Escolar do IES de Oroso é o órgano de goberno do Centro onde están representados todos os membros da comunidade educativa.

Os representantes das familias no Consello escolar poñen á vosa disposición un correo electrónico para coñecer de primeira man as inquedanzas, propostas... que xurdan e así poder tratalas no Consello escolar.

familias.ies.oroso@gmail.com

A alumna do noso centro  Alejandra Landeira Rey resultou gañadora do Concurso de Literatura Infantil e Xuvenil organizado pola EGAP con motivo das Letras Galegas.

Un orgullo para o IES de Oroso.

Este mércores 10 o alumnado de 1ºESO e de Cultura Clásica de 3º ESO achegouse ata Lucus Augusti para coñecer un pouco da historia da cidade. Acompañados dos profes María, Kike, Roberto e Andrés visitaron a Casa dos Mosaicos, a Domus do Mitreo e o Museo Provincial onde gozaron de dúas actividades moi interesantes, a visita á exposición Lugo Romano e a actividade de Rutas Literarias. Ademais puideron coñecer a muralla e a organización da cidade romana. Unha xornada moi gratificante.

Os alumnos de francés de 3º da ESO disfrutaron en Compostela da Obra de teatro "Le petit prince".

Dentro das Charlas de divulgación científica e tecnolóxica organizadas pola Escola de Enxeñería de Telecomunicacións da Universidade de Vigo, hoxe estivo con nós a catedrática e directora de dita escola Rebeca Pilar Díaz Redondo, que achegou aos nosos alumnos á realidade e futuro dunha das ramas con máis importancia na sociedade actual: o Internet das Cousas (IoT).

Este martes o alumnado de 2º da ESO, acompañado das profes María, Marta, Alicia e Kike, visitaron o Pórtico da Gloria e a Catedral de Santiago, ademais de percorrer as rúas do casco vello de Compostela para intentar identificar as partes da antiga cidade medieval.

Premendo aquí podedes ver unha pequena mostra desta saída.

Para festexar o Día Internacional da Muller, o nosos alumnado elaborou Unha serie de posters de mulleres esquecidas ao longo da Historia que xa decoran os corredores do IES. Premendo na imaxe podedes facer un recorrido por estes posters.

Estes días temos no Centro a exposición itinerante  Sen cancelas. Memorias do arco da vella en Galicia, proxecto expositivo que poñen en marcha o Consello da Cultura Galega (CCG) e a Consellería de Promoción do Emprego e Igualdade. Premendo aquí podedes descargar o Dossier da exposición.