Física e química

Alumnado de 1º de Bacharelato do IES Nosa Señora dos Ollos Grandes asistiu a charla: Química, alimentos e cociña, impartida por Ricardo Riguera, profesor do Departamento de Química Orgánica da Facultade de Química da USC.

Utilizando os principios da química, móstrase a natureza dos alimentos (que son e de que están feitos) e das especies (orixe, color e sabor), as súas transformacións ao cociñalos e a ciencia que explica os métodos de conservación. Todo iso ilústrase con exemplos dos nosos alimentos mais comúns (infusións, café soluble, caldos, guisos, fritir, ferver, escabechar etc.). 

Alumnado de 4º ESO do IES Nosa Señora dos Ollos Grandes visitaron os laboratorios da Facultade de Ciencias.

Alí, en pequenos grupos, recorreron as instalacións, os distintos laboratorios e fixeron varios experimentos, unha cromatografía, unha reacción ácido base.

Tamén recibiron información sobre os grados que se poden cursar na Facultade de Ciencias.

Alumnado da asignatura de  Física de 2º de Bacharelato do IES Nosa Señora dos Ollos Grandes asistiu a unha "Masterclass de Física de Partículas" celebrada en Santiago de Compostela.

A actividade estivo organizada polo  Instituto Galego de Física de Altas Enerxías (IGFAE) da Universidade de Santiago de Compostela (USC), en colaboración coa Sociedade Europea de Física, o CERN (Organización Europea para a Investigación Nuclear) e Fermilab (Laboratorio Nacional Fermi).

A actividade consistiu nunha serie de conferencias sobre a Física de Partículas actual impartidas por físicos que desenvolven proxectos neste campo, e na realización dunha práctica en grupos para a determinación de distintas partículas, cuxos resultados foron postos en común e discutidos posteriormente mediante unha videoconferencia con outros centros europeos que organizaron unha xornada similar, e na que participaron varios físicos europeos.