O Plan Proxecta ten como obxectivo central construír modelos de mellora mediante proxectos que teñan un alto potencial de transferibilidade tanto no propio centro no que se orixinan como no resto da comunidade educativa galega. Ás propostas xa existentes iranse unindo outros programas de nova creación que compartan a mesma filosofía de abrir as aulas e os centros á comunidade, de fomentar dinámicas participativas, activas e colaborativas que sirvan, a un tempo, para desenvolver as competencias básicas e a educación en valores.
Con este plan búscase a colaboración interdepartamental e interdisciplinar que promova a innovación adaptada aos recursos e obxectivos específicos de cada centro e suporá un compromiso de todas as persoas e institucións implicadas e un dobre recoñecemento para os centros, para as persoas coordinadoras e para o profesorado participante. Por unha parte, os resultados dos proxectos realizados terán visibilidade para o resto da comunidade educativa galega nos espazos web da Consellería a fin de conseguir un alto grado de transferibilidade e capacidade transformadora en centros de características similares. Por outra, o profesorado que participe activamente neste plan recibirá unha certificación de innovación educativa e terá a posibilidade de publicar as mellores experiencias.
Deste xeito, Proxecta suporá a creación dun camiño común de mellora que una nun mesmo empuxe innovador e transformador as múltiples iniciativas que chegan aos centros con follas de ruta diversas.
RESOLUCIÓN do 6 de setembro de 2016, da Dirección Xeral de Educación, Formación Profesional e Innovación Educativa, pola que se regula o Plan Proxecta e se establecen as bases para a participación dos centros docentes sostidos con fondos públicos dependentes desta consellería durante o curso escolar 2016/17. 
Máis información 
CURSO 23/24:
Información da FP
Administración e xestión
Imaxe persoal
Informática e comunicacións
TodoFP
GaliciaSkills 2018
Cisco
Microsoft Imagine (MSDNAA)
