Actividades extraescolares

KTORCE 18 Programa de prevención de condutas infractoras

Start: 25/04/2016 16:20

End: 25/04/2016 18:00

ACTIVIDADE COMPLEMENTARIA: KTORCE 18 Programa de prevención de condutas infractoras
		Día: 25 de abril Hora: 16:20-18:00 Organiza: Dpto. Orientación Para: 2º ESO A, B e ACC FP Básica (1ºPEIEST e 1ºINFOFI) Lugar: Salón de actos

KTORCE 18 é un programa de prevención de condutas infractoras, posto en marcha pola Asociación ARELA e conta coa colaboración da Fundación Barrié.

Mediante unha charla divulgativa (de 100') informarán ao alumnado acerca da Lei 5/2000 (Lei do Menor), reguladora da responsabilidade penal dos menores. Cun claro obxectivo preventivo das condutas infractoras máis salientables nos adolescentes, e que tratan de explicar as consecuencias legais das mesmas, dende o punto de vista punitivo e como forma de mellorar a convivencia nas aulas; facendo especial fincapé no acoso escolar, as redes sociais, o maltrato familiar, … e en todos aqueles temas e situacións que viven de cerca os adolescentes, explicando as consecuencias legais e a responsabilidade dos menores nas mesmas.

Máis información

Calendario

Viaxe a Madrid

Start: 22/04/2016 08:00

End: 23/04/2016 23:00

ACTIVIDADE EXTRAESCOLAR: VISITA A MADRID
		Días: 22 e 23 de abril Para: 3ºESO - Alumnado de Relixión Organiza: Dpto. de Relixión

Esta actividade realízase conxuntamente con outros institutos da cidade e da provincia. O obxectivo é coñecer e apreciar a arte relixiosa, fomentando as relacións con alumnado doutros centros.

ITINERARIO:

venres, 22 de abril

08:00 h - sairá un dos autocares de Rábade e virá recoller ao alumnado do IES Muralla Romana de Lugo.

Chegada a Madrid para o xantar (libre), deixarán ao grupo no Madrid dos Austrias.

16:30 h - punto de encontro cos guías para visita a pé do Madrid dos Austrias. Finalizada a visita (duración estimada 3 horas e media), tempo libre no centro de Madrid.

21:30 h - traslado do grupo ao hotel HOTEL AVENIDA DE ESPAÑA 3*** Avda de España nº 18 28941 - Fuenlabrada.

sábado, 23 de abril

Almorzo no hotel.

10:00 h - traslado ao Parque Warner. Xantar incluído no Parque.

17:30 h aprox. iniciarase o regreso a Lugo.

Hora estimada de chegada 23:00 h

Axencia: Viajes EMBAJADOR

Calendario

VIII Concurso galego de ROBÓTICA

Start: 22/04/2016 08:30

End: 22/04/2016 14:20

ACTIVIDADE EXTRAESCOLAR: VIII CONCURSO GALEGO DE ROBÓTICA
		Día: 22 de abril Organiza: Dpto. Tecnoloxía Hora: 08:30-14:20 Lugar: A Coruña Para: 4º ESO/PDC

Alumnado de 4ºESO participará no obradoiro "A maxia da robótica", VIII Concurso Galego de Robótica 2016, na Fundación Barrié de A Coruña. Organiza esta actividade a Institución Galega da Ciencia (IGACIENCIA), patrocinada por Educación Barrié.

O obxectivo do obradoiro é participar en grupo na montaxe e programación dun robot móbil cun kit de LEGO. De maneira sinxela e divertida o alumnado participante familiarízase tanto cos robots como coa linguaxe da robótica.

Calendario

Visita ao Centro de Interpretación "Terras do Miño"

Start: 13/05/2016 10:00

ACTIVIDADE EXTRAESCOLAR: Visita ao Centro de Interpretación "Terras do Miño"
		Día: 22 de abril 13 de maio Hora: 09:40 ás 11:45 ... 1ºB e ACC 11:45 ás 13:45 ... 1ºA Lugar: Río Rato Para: 1º ESO e ACC (1ºe2º)

Alumnado do IES Muralla Romana realizará unha visita guiada polo Centro de Interpretación Terras do Miño, xestionado pola Deputación de Lugo. Terán a posibilidade de coñecer o entorno deste espazo natural, Reserva da Biosfera desde o ano 2002. A finalidade é coñecer a riqueza natural da zona, na que destacan os bosques de ribeira ou as plantas acuáticas.

Centro de Interpretación da Natureza Terras do Miño

Calendario

Asistencia ao teatro: "O Público" de Lorca

Start: 19/04/2016 12:00

ACTIVIDADE COMPLEMENTARIA: Asistencia ao teatro "O público"
		Día: 19 de abril Hora: 12:00-14:20 Lugar: Auditorio Gustavo Freire Para: 1º e 2º de Bacharelato

O alumnado de Bacharelato asistirá á representación da obra de teatro O público de Federico García Lorca, a cargo da Compañía de Teatro da USC-Lugo.

A función empeza ás 12:30h.

Calendario

CONCERTO DIDÁCTICO DO CICLO DE MÚSICA CONTEMPORÁNEA DE LUGO “MIHLSons-XXI”

Start: 15/04/2016 10:30

End: 15/04/2016 13:30

ACTIVIDADE COMPLEMENTARIA: THE MATHEMATICS OF THE RESONANT BODIES
Día: 15 de abril Hora: 10:30 ás aprox. 13:30. Para: 3ºESO-A, B e PMAR 4ºESO-A e PDC Lugar: Museo Interactivo da Historia de Lugo (MIHL) Só alumnado de Música

Alumnado de música asistirá ao concerto didáctico “THE MATHEMATICS OF THE RESONANT BODIES - percusión, electrónica e danza", que forma parte do Ciclo de Música Contemporánea de Lugo “MIHLSons-XXI”. Sairán do instituto ás 10:30h, o concerto dará comenzo ás 11:00h. cunha duración aproximada de dúas horas.

Programa :

Compositor: John Luther Adams (Premio Pulitzer 2014)
Presentación do concerto: Xoán Xil López
Intérpretes: Diego Ventoso Fernández (percusión) e Grupo de Danza Contemporánea do Conservatorio Profesional de Danza de Lugo
Coreógrafas: Alba Felpete, Ana Belén Ferreiro, Raquel González e Reyes González

Sinopse:

“Sempre envidiei a relación que pintores e escultores teñen cos materiais da súa arte. A sustancia real da música sempre parece un pouco máis alá do noso alcance.

Aínda así, a música é un fenómeno táctil.

Hai uns cantos anos compuxen `Strange and Sacred Noise´, un ciclo para cuarteto de percusión celebrando o ruído na música e na natureza. Unha das pezas está escrita para catro tam-tams, tocando ondas de diferentes períodos que, finalmente, crecen xuntas nun enorme tsunami de son. Cando escoitei por primeira vez esta peza (que foi escrita para ser estreada polo marabilloso grupo de percusión de Cincinnati) asusteime. En medio das densas masas de ruído de banda ancha oín claramente voces, como un coro cantando tons longos e sen palabras. Chameilles "voces de anxo." E quería oílas soas ...

Comecei este traballo compoñendo un novo ciclo de cuartetos. Steve Schick veu a Alaska e gravou estas pezas parte por parte. Montei as gravacións e, a continuación, comecei a filtralas como fixera anteriormente cos tam-tams. O resultado foi unha serie de "auras" derivadas da resonancia interior dos propios instrumentos. Como paso final, compuxen unha serie de partes de solo para ser tocadas dentro destes campos sonoros “. J.L.A.

Calendario

Visita a INDITEX

Start: 07/04/2016 08:45

End: 07/04/2016 14:20

ACTIVIDADE EXTRAESCOLAR: Visita a INDITEX.
		Día: 7 de abril Hora: 08:45-14:20 Para: 1º ADMFIN Lugar: A Coruña Organiza: Dpto. Administración

Os alumnos e as alumnas do Ciclo Superior de Administración e Finanzas visitarán as instalacións que a firma textil Inditex ten na cidade coruñesa de Arteixo.

INDITEX S.A. (Industrias de Deseño Textil Sociedade Anónima) é un grupo español de fabricación e distribución textil, con máis de 5.000 tendas distribuídas en 82 países. Formado por marcas tan coñecidas coma Zara (a marca principal) , Pull and Bear, Massimo Dutti, Kiddy's Class, Bershka, Stradivarius, Zara Home, Oysho y Uterqüe.

Nesta visita o alumnado terá a oportunidade de observar todo o proceso loxístico, desde o deseño e o patronaxe das prendas, á colocación das mesmas en tendas simuladas e dos seus escaparates, a recepción e distribución dos pedidos polas tendas de todo o mundo...

Calendario

Asistencia á representación da obra teatral "Bicos con lingua"

Start: 11/04/2016 08:50

End: 11/04/2016 14:20

ACTIVIDADE EXTRAESCOLAR: Asistencia á representación da obra de teatro "Bicos con lingua".
		Día: Organiza: Hora: Lugar: Para:	11 de abril Dpto. Lingua Galega 08:50-14:20 A Coruña 2º ESO sen ACC 3ºESO-B + 3º PMAR

O alumnado asistirá á representación da obra teatral, Bicos con lingua, da compañía Talía Teatro.

Distintos autores e autoras galegas participaron na creación deste espectáculo que interpretan Artur Trillo e Toño Casais, baixo a dirección de Avelino González.

Bicos con lingua é un espectáculo en clave de comedia no que a través de diversas situacións cotiás invita a unha fonda reflexión sobre os usos e abusos da lingua galega.

É unha útil ferramenta didáctica para traballar contidos relacionados coa sociolingüística.

Máis información Web de Talía Teatro