Actividades extraescolares

Acto de graduación

Start: 27/05/2016 18:00

ACTO DE GRADUACIÓN

FOTOGRAFÍAS DO ACTO

Calendario

Charla temática da USC - Campus Santiago. Antisemitismo: que é e por que?

Start: 20/05/2016 11:50

ACTIVIDADE COMPLEMENTARIA: CHARLA - Antisemitismo: que é e por que?
		Día: 20 de maio Hora: 11:50 ás 12:40 Para: 4º ESO e 1º BAC Lugar: Salón de Actos

Esta charla temática, que forma parte do programa "A Ponte entre o Ensino Medio e a USC", correrá a cargo de D. José Daniel Edelstein Glaubach (Profesor de Física Teórica, do Departamento de Física de Partículas).

Resumo: Nesta charla pretende achegar o seu gran de area na difícil tarefa de erradicar de Europa unha das patoloxías mentais endémicas máis severas e persistentes: o antisemitismo.

Pero, por que este científico que fixo posible que Stephen Hawking visitase Santiago dá esta charla no noso instituto?

Quizais porque os seus avós fuxiron do antisemitismo, desde Europa a Arxentina. E a el tamén lle tocou vivilo de cativo, tendo que marchar a Venezuela, pouco antes do golpe do xeneral Videla.

Calendario

Visita aos centros ocupacionais de ASPNAIS

Start: 19/05/2016 10:00

ACTIVIDADE EXTRAESCOLAR: Visita aos centros ocupacionais de ASPNAIS
		Día: 19 de maio Hora: 10:00-12:30 aprox. Para: 2º ESO A/B/ACC Lugar: Lugo

Con esta actividade preténdese sensibilizar ao alumnado, cunha finalidade: lograr unha sociedade xusta e solidaria.

Os Centros Ocupacionais desta asociación teñen como obxectivo proporcionar a habilitación laboral dos seus usuarios mediante programas adaptados segundo as características, necesidades e intereses de cada un. Para iso, mediante esta visita comprobarán como traballan estas persoas con discapacidade intelectual, para mellorar a súa calidade de vida e consolidar a súa integración na sociedade.

O alumnado de 2ºESO sairá do instituto ás 10:00h, para estar ás 10:30h no Centro Ocupacional de ASPNAIS Nº2 (Arieiras s/n · Pol. da Louzaneta). Logo desprazaranse até o Centro Ocupacional nº1 (Rampla de Claudio López nº 21). E, darase por finalizada a actividade sobre as 12:30 h, momento no que regresarán ao instituto.

Máis información: www.aspnais.org Enlace a web externa

Calendario

Correlingua 2016 - Lugo

Start: 11/05/2016 10:30

ACTIVIDADE EXTRAESCOLAR: CORRELINGUA 2016- LUGO
		Día: 11 de maio Hora: 10:30-13:30 aprox. Para: 2º ESO A/B/ACC Lugar: Cidade de Lugo Organiza: Dinamización Lingüística

CORRELINGUA é unha carreira en prol da nosa lingua, o galego. É unha proposta de carácter lúdico-educativo que pretende a participación da mocidade neste acto reivindicativo, do dereito a medrar no noso idioma.

Programa da actividade en Lugo

ITINERARIO:

Saída da Praza de Santa María – Chegada á Porta de Bispo Aguirre – Segue pola Ronda deica a entrada na Muralla pola porta do Campo Castelo – Paso pola Praza Maior – Crúzase de novo á Praza de Sta.María para subir á Muralla pola rampa da Porta de Santiago – Volta á Muralla – Chegada á Praza de Sta. María.

ACTUACIÓNS/ACTIVIDADES:

- Presentación Talía Teatro
- Lectura do Manifesto.
- Actuación grupo Cantalingua: Liviao de Marrao

Máis información: www.correlingua.org Enlace a web externa

Calendario

Obradoiro: Alimentación

ACTIVIDADE COMPLEMENTARIA: ALIMENTACIÓN
		Días: Varios Organiza: Dpto. Orientación Hora: Consultar horario Lugar: Na aula Para: 1º FP BÁSICA

O obxectivo xeral deste obradoiro, ofertado por Cruz Vermella, é previr os problemas de saúde relacionados coas condutas alimentarias en adolescentes. Como contidos específicos abordaranse os conceptos de alimentación equilibrada e os problemas da sociedade actual neste ámbito. Ademais, formarán ao alumnado na prevención de trastornos da conduta alimentaria e reflexionarán sobre a procura de alternativas aos actuais comportamentos alimentarios.

HORARIO

	05 maio	12 maio	19 maio	26 maio
13:30 a 14:20	1ºINFOFI	1ºINFOFI	1ºINFOFI	1ºINFOFI

	06 maio	13 maio	20 maio	27 maio
11:50 a 12:40	1ºPEIEST	1ºPEIEST	1ºPEIEST	1ºPEIEST

Educación afectivo-sexual

ACTIVIDADE COMPLEMENTARIA: EDUCACIÓN AFECTIVO-SEXUAL
		Días: Varios Organiza: Dpto. Orientación Hora: Consultar horario Lugar: Na aula Para: 2º ESO

O departamento de orientación realiza este obradoiro de educación afectivo-sexual para o alumnado de 2º da ESO, ofertado polo Concello de Lugo. Está dirixido aos rapaces co obxectivo de impulsar estilos de vida saudables e reforzar actitudes positivas fronte aos riscos para a saúde, trasladando aos mozos/as e dende os propios mozos/as información sobre determinadas temáticas de interese para este colectivo: a sexualidade, prevención de VIH/Sida, ITS (infeccións de transmisión sexual), embarazos non desexados, ... Estas actividades son de formación, divulgación e sensibilización, de carácter preventivo.

HORARIO

	13 xan.	20 xan.	27 xan.	03 feb.
13:30 a 14:20	2º ESO - B	2º ESO - B	2º ESO - B	2º ESO - B

	6 maio	13 maio	20 maio	27 maio
12:40 a 13:30	2º ESO - A	2º ESO - A	2º ESO - A	2º ESO - A

Visita á Escola de arte e superior de deseño Ramón Falcón

Start: 05/05/2016 11:50

End: 05/05/2016 14:20

ACTIVIDADE COMPLEMENTARIA: Visita á Escola de arte e superior de deseño Ramón Falcón
		Día: 05 de maio Hora: 11:50-14:20 Para: 1º DAM Lugar: EASD-RF en Lugo

O alumnado de 1º D.A.M. (Ciclo Superior de Desenvolvemento de Aplicacións Multiplataforma) realizará esta visita para reunirse con alumnos e alumnas da EASD-RF e traballar nun proxecto conxunto.

Despois do éxito acadado noutras convocatorias, este curso repítese a colaboración destes alumnos/as, realizando eles/as o deseño gráfico dos proxectos do noso alumnado.

Calendario

KTORCE 18 Programa de prevención de condutas infractoras

Start: 25/04/2016 16:20

End: 25/04/2016 18:00

ACTIVIDADE COMPLEMENTARIA: KTORCE 18 Programa de prevención de condutas infractoras
		Día: 25 de abril Hora: 16:20-18:00 Organiza: Dpto. Orientación Para: 2º ESO A, B e ACC FP Básica (1ºPEIEST e 1ºINFOFI) Lugar: Salón de actos

KTORCE 18 é un programa de prevención de condutas infractoras, posto en marcha pola Asociación ARELA e conta coa colaboración da Fundación Barrié.

Mediante unha charla divulgativa (de 100') informarán ao alumnado acerca da Lei 5/2000 (Lei do Menor), reguladora da responsabilidade penal dos menores. Cun claro obxectivo preventivo das condutas infractoras máis salientables nos adolescentes, e que tratan de explicar as consecuencias legais das mesmas, dende o punto de vista punitivo e como forma de mellorar a convivencia nas aulas; facendo especial fincapé no acoso escolar, as redes sociais, o maltrato familiar, … e en todos aqueles temas e situacións que viven de cerca os adolescentes, explicando as consecuencias legais e a responsabilidade dos menores nas mesmas.

Máis información

Calendario

Viaxe a Madrid

Start: 22/04/2016 08:00

End: 23/04/2016 23:00

ACTIVIDADE EXTRAESCOLAR: VISITA A MADRID
		Días: 22 e 23 de abril Para: 3ºESO - Alumnado de Relixión Organiza: Dpto. de Relixión

Esta actividade realízase conxuntamente con outros institutos da cidade e da provincia. O obxectivo é coñecer e apreciar a arte relixiosa, fomentando as relacións con alumnado doutros centros.

ITINERARIO:

venres, 22 de abril

08:00 h - sairá un dos autocares de Rábade e virá recoller ao alumnado do IES Muralla Romana de Lugo.

Chegada a Madrid para o xantar (libre), deixarán ao grupo no Madrid dos Austrias.

16:30 h - punto de encontro cos guías para visita a pé do Madrid dos Austrias. Finalizada a visita (duración estimada 3 horas e media), tempo libre no centro de Madrid.

21:30 h - traslado do grupo ao hotel HOTEL AVENIDA DE ESPAÑA 3*** Avda de España nº 18 28941 - Fuenlabrada.

sábado, 23 de abril

Almorzo no hotel.

10:00 h - traslado ao Parque Warner. Xantar incluído no Parque.

17:30 h aprox. iniciarase o regreso a Lugo.

Hora estimada de chegada 23:00 h

Axencia: Viajes EMBAJADOR

Calendario

VIII Concurso galego de ROBÓTICA

Start: 22/04/2016 08:30

End: 22/04/2016 14:20

ACTIVIDADE EXTRAESCOLAR: VIII CONCURSO GALEGO DE ROBÓTICA
		Día: 22 de abril Organiza: Dpto. Tecnoloxía Hora: 08:30-14:20 Lugar: A Coruña Para: 4º ESO/PDC

Alumnado de 4ºESO participará no obradoiro "A maxia da robótica", VIII Concurso Galego de Robótica 2016, na Fundación Barrié de A Coruña. Organiza esta actividade a Institución Galega da Ciencia (IGACIENCIA), patrocinada por Educación Barrié.

O obxectivo do obradoiro é participar en grupo na montaxe e programación dun robot móbil cun kit de LEGO. De maneira sinxela e divertida o alumnado participante familiarízase tanto cos robots como coa linguaxe da robótica.