Actividades extraescolares

ACTIVIDADE EXTRAESCOLAR: ENCONTROS NO CAMPUS DE SANTIAGO
		Día:        07 de febreiro Hora:      08:40 ás 15:00 Para:       1º e 2º BAC

Ás 08:40 h sairase en autobús desde o centro

PROGRAMA DA ACTIVIDADE:

SAÍDA DA RESIDENCIA BURGO DAS NACIÓNS ÁS 10:30  (CAMPUS NORTE)

SAÍDA DA RESIDENCIA MONTE DA CONDESA ÁS 10:30  (CAMPUS VIDA)

O persoal da USC farase cargo de recibir nos puntos de encontro, aos estudantes participantes e acompañalos nos distintos percorridos. O profesorado acompañante do instituto só irá con eles ata o punto de encontro, para deixalos ao inicio e recollelos ao finalizar o percorrido (tempo estimado do mesmo 2 horas e media).

A hora de retorno está condicionada á finalización dos distintos percorridos, aconséllase levar un bocadillo e un refresco/auga para tomar antes de regresar a Lugo. Hora estimada de chegada ao instituto, ás 15:00 h aproximadamente.

ACTIVIDADE EXTRAESCOLAR: XVII Mostra de Teatro Clásico de Lugo. 2017
		Día: Hora: Lugar: Para:	2 de febreiro 13:00 - 13:30 h Salón de Actos 1ºESO e 2ºESO

Desde o departamento de Cultura do Concello de Lugo ofrécennos esta actividade, na que dous integrantes do grupo lucense LUCECÚS TEATRO virán ao noso instituto, para facer esta intervención teatral a modo introdutorio da XVII Mostra de Teatro Clásico de Lugo.

LUCECÚS TEATRO

• Dirección: Rubén Pérez Pombo
• Intérpretes: Isa Herrero, Anxo Manoel

A MOSTRA: UN CLÁSICO ENTRE OS CLÁSICOS

Un xeito divertido de achegarse ao que nos ofrecerá a XVII Mostra de Teatro Clásico de Lugo. Déixate sorprender polos clásicos!

Laurencia é unha profesora de literatura agrisada que se toma moi en serio o seu traballo. Venancio é un actor tropical desexando xubilarse para viaxar polo mundo enteiro. Os dous tentarán conxuntamente explicar en qué consiste o teatro clásico e as súas cores. Unha lección curiosa e divertida que pretende facer un percorrido polas pezas teatrais programadas na Mostra de Teatro Clásico da nosa cidade adaptado para todos os públicos. 

Duración: 30 minutos

Información da Mostra

Moitas grazas a @LucecusTeatro , queríades sorprender cos clásicos a @iesmuralla e de verdade, conseguístelo. Parabéns polo voso traballo. pic.twitter.com/ZbPB4Pz3kX

— IES Muralla Romana (@iesmuralla) 2 de febrero de 2017

ACTIVIDADE COMPLEMENTARIA: O SABOR DA AVENTURA ESTÁ NO MAR
		Día:       25 de xaneiro Para:      1ºESO (de 10:20 a 11:20h)  Para:      2ºESO (de 11:50 a 12:50 h) Lugar: IES Muralla Romana (Salón de actos)

É unha modalidade do programa "Aliméntate ben" (Plan Proxecta).

Trátase dunha iniciativa deseñada pola Consellería do Mar para transmitir aos rapaces e rapazas a importancia dos produtos do mar na dieta e o fomento do seu consumo.

O programa artéllase arredor de dúas actividades:

1) Realización de obradoiros (mércores, 25 de xaneiro)
Para chegar aos estudantes deseñaron de xeito lúdico un obradoiro educativo, que os motive no consumo de produtos do mar, que fomente o seu interese por este produto e polas posibilidades que ofrece. A empresa de Marexada. Deporte, Lecer e Cultura S.L. é a encargada de realizar nos centros estes obradoiros.

Este curso, no noso centro, faranse dous obradoiros para cubrir aos 70 alumnos e alumnas inscritos.
En canto á temática:
- verán un vídeo promocional de "O sabor da aventura está no mar"
- recibirán a explicación do xogo educativo a realizar: coa axuda das novas tecnoloxías buscarán información sobre a temática do mar: a pesca, os diferentes peixes e as súas propiedades, formas de comelos e falarán do coidado do mar.
Entre todos farán unha posta en común xeral da información obtida, agasallando con premios para os que mellor a presenten.

2) Realización de excursión a unha localidade costeira (prevista para o 31 de marzo - sen determinar grupos - 50 estudantes)

O alumnado participante nesta excursión realizará visitas didácticas nas que terá a oportunidade de captar cos cinco sentidos a singularidade e as características do traballo dos colectivos de profesionais do mar, o recoñecemento da calidade dos produtos que capturan, así como as súas propiedades nutritivas, o seu sabor e textura nos menús.
Trátase de que o alumnado participante constrúa a súa propia aprendizaxe en relación coa pesca artesanal, o marisqueo e a acuicultura, integrando coñecementos sobre a extracción sostible e venda dos distintos produtos, sobre aspectos nutricionais e gastronómicos, e aspectos da cultura mariñeira a través dos diferentes recursos patrimoniais existentes nas localidades litorais visitadas.
A excursión terá unha duración dunha xornada de mañá e contémplanse as seguintes actividades:

a. Traslado en autobús a unha localidade costeira
b. Visita á lonxa ou o porto
c. Cátering de produtos do mar
d. Visita complementaria: mostrará os distintos procesos acuícolas e a cultura mariñeira a través da oferta etnográfica e paisaxística de cada localidade

Fonte da información: na convocatoria e en www.ardoraonline.com

Ligazón a contidos: www.osabordaaventruaestanomar.com