Skip to Content

Actividades extraescolares

Actividades extraescolares

Asistencia á representación da obra teatral "Pelos na lingua"

25/10/2017 08:00
25/10/2017 19:30
ACTIVIDADE EXTRAESCOLAR: Asistencia á representación da obra de teatro "Pelos na lingua".
 Cartel da obra teatral Pelos na linguao

Día:
Organiza:
Hora:
Lugar:
Para:
 

25 de outubro
Dpto. Lingua Galega
08:50-19:30 (aprox)
Santiago de Compostela
4º ESO  A e B

O alumnado asistirá á representación da obra teatral, Pelos na lingua, da compañía Talía Teatro.

Distintos autores e autoras galegas participaron na creación deste espectáculo que interpretan Artur Trillo, Toño Casais e María Ordóñez, baixo a dirección de Avelino González.

Unha comedia estruturada en sketches que fala dos usos e abusos que sofre a lingua galega; tratando o tema dun xeito irónico, sarcástico e retranqueiro.

É unha útil ferramenta didáctica para traballar contidos relacionados coa sociolingüística: os múltiples e variados prexuízos lingüísticos, a relación lingua-mocidade... A finalidade é a reflexión do alumnado.

Máis información Web de Talía Teatro

Os alumnos tamén visitarán ó Museo do Pobo Galego.

Premio á mellor noticia - Escola dEPrensa El Progreso

Gañadores no concurso 'Atrévete a ter unha idea!'

19/06/2017 10:30


O 19 de xuño durante a clausura do programa 'Eduemprende Atrévete 2016-2017' entregáronse os galardóns ás mellores propostas de emprendemento. No caso de Lugo, na categoría de secundaria resultaron premiados dous traballos de alumnado do IES Muralla Romana; en conreto, o de Naila Díaz e o de Joel Fouz. 

Na fotografía aparecen o Conselleiro de Cultura, Educación e Ordenación Universitaria, Román Rodríguez; a profesora, Mª Luisa Díaz Cadenas, que coordinou ao seu alumnado nesta actividade e os premiados antes mencionados.

Ampliar fotografía

Máis información

Premios Eduemprende Atrévete

Viaxe lúdico-cultural a LAS MÉDULAS

09/06/2017 08:50
ACTIVIDADE EXTRAESCOLAR: Visita a LAS MÉDULAS
 

Día:      9 de xuño
Hora:    08:50-19:00
Para:     3ºESO e 4ºESO 
    1ºBAC - alumnado de Latín e Grego
Organiza: Dpto. de CC.NN.

11:30h Visita guiada Senda de Las Valiñas (Ruta camiñando: 2 horas – 3 Km ida y vuelta)

Subida ao mirador (sen guía)

Comida no Lago de Carucedo

16:00h Visita a Aula Arqueolóxica

RECOMENDACIÓNS PARA A RUTA: levar crema, calzado adecuado de monte (tenis ou botas con calcetíns), crema de sol, gorro ou bisera para o sol e abundante auga.

A COMIDA LEVARASE DA CASA

 

Viaxe lúdico-cultural a LAS MÉDULAS

Viaxe cultural á Costa da Morte - Ruta Pondaliana

29/05/2017 08:50
ACTIVIDADE EXTRAESCOLAR: Viaxe cultural Costa da Morte

Día:         29 de maio
Organiza:  EDLG
Hora:       08:50-20:30
Lugar:      Ponteceso / Ézaro / Fisterra
Para:        4º ESO A e B

PROGRAMA DA ACTIVIDADE:  RUTA PONDALIANA, na Costa da Morte.

Ponteceso: Ofrenda floral e lectura de poemas.

Castro de Borneiro.

Cabana de Bergantiños: Dolmen de Dombate

Muxía: Descanso para comida (que levarán da casa) - Santuario Virxe da Barca, Pedra de Abalar.

Ézaro: Museo da Electricidade, Vista da Fervenza

Fisterra (faro)

Carnota (se hai luz, ver a Praia)

Mazaricos

Sigüeiro

Chegada estimada a Lugo 20:30 h

logo
Ruta Pondaliana

Ponlle as pilas ao teu bocata

26/05/2017 10:30
ACTIVIDADE COMPLEMENTARIA: Ponlle as pilas ao teu bocata

Día:        26 de maio
Lugar:     Biblioteca
Para:
De 10:30 a 11:35h ...1ºESO A/B e 2ºESO-A
De 11:35 a 12:40h ...2ºESO-B/PMAR e 3ºESO A/B/PMAR

Esta campaña esta deseñada para a dar o coñecer as múltiples virtudes das conservas dos produtos do mar. Esta iniciativa desenvólvese nos colexios públicos e numerosas competicións deportivas e campamentos da comunidade autónoma.

“As conservas temos unha chea de enerxía para o teu bocata”

Ter unha dieta rica e equilibrada é fundamental para crecer. Levar unha alimentación adecuada, completa e variada dáche a enerxía necesaria para facer o que che guste durante o día. As especies mariñas en conserva, xunto cunha gran variedade de alimentos vexetais, cereais, lácteos.. serviranche para elaborar os teus propios bocatas! Experimenta con todas as combinacións que se che ocorran, e gozarás de infinidade de sabores que che achegarán todos os beneficios enerxéticos que necesitas para crecer san e forte!

Máis información: www.ponlleaspilasaoteubocata.com

Clase de achegamento ao voleibol da man do club EMEVE

ACTIVIDADE COMPLEMENTARIA: MasterClass do club EMEVE

Día:       en maio
Lugar:    Pistas do instituto
Para:      3º e 4º ESO, 1º Bacharelato

O club EMEVE de voleibol visitou o IES Muralla Romana para facer unha clase de achegamento ao seu deporte. Catro adestradores: Eli, Fernando, Adrián e Dani amosaron os elementos técnicos e tácticos básicos para iniciarse neste deporte. Os grupos destinatarios foron 3º e 4º da ESO e 1º BACH.

A sesión resultou moi proveitosa, e a totalidade do alumnado enquisado despois da práctica amosou o seu interese polo deporte e a satisfacción polo desenvolvemento da clase. En tódalas sesións déuselles un merecido recoñecemento e un forte aplauso de gratitude pola súa colaboración desinteresada.

MasterClass do club EMEVE

 

VII Concurso Europeo de Marcapáxinas

Gran éxito do IES Muralla Romana no VII Concurso Europeo de Marcapáxinas. Un excelente traballo o do noso alumnado de TIC (4ºESO) e de 1º SIMIRE, recompensado en forma de premios que conseguiron:

Ao concurso presentáronse a través do proxecto eTwinning Letras Galegas 2017 – Carlos Casares. Participaron animados polo profesor Ero Sante Gueimonde, interesado en promover a colaboración escolar con outros centros europeos, utilizando as tecnoloxías da información e a comunicación. 

Desde aquí desexámoslles os nosos parabéns tanto aos premiados como ao seu profesor; animándovos a todos e todas a seguir participando nestes proxectos.

Nas seguintes imaxes podedes ver os marcapáxinas premiados do noso instituto no concurso deste ano.

Anverso do marcapáxinas de Andrea Durán AbelleiraReverso do marcapáxinas de Andrea Durán Abelleira

Anverso do marcapáxinas de Martín Sanjurjo Campello e Kevin Calvin PérezReverso do marcapáxinas de Martín Sanjurjo Campello e Kevin Calvin Pérez

Anverso do marcapáxinas de Juan Seijas MigueizReverso do marcapáxinas de Juan Seijas Migueiz

Debate e charla: Vacinación, si ou non?

16/05/2017 09:30
ACTIVIDADE COMPLEMENTARIA: Vacinación, si ou non?

Día:       16 de maio
Horas:    09:30 ás 10:30/10:30 ás 11:20h
Lugar:    Salón de Actos
Para
Debate: 3ºESO, alumnado de BeX de 1ºBAC
Charla: 3ºESO, alumnado de BeX de 4ºESO e Bacharelato

O martes 16 de maio ás 09:30 h da mañá, no salón de actos do instituto, haberá un debate baixo o título "Vacinación, si ou non?". Realizarao alumnado de 3ºESO.

Unha forma diferente de preparar un punto do tema que están a estudar  Anatomía e fisioloxía humana. Para iso os relatores defenderán posturas opostas, que deberán rebater esgrimindo argumentos, para os cales deberán documentarse previamente, preparando as súas intervencións a favor e en contra da vacinación mediante procuras bibliográficas e con base científica...

Será presentado e moderado por un dos estudantes, Adrían Vázquez.

Como colofón ao debate, haberá unha CHARLA FORMATIVA sobre a vacinación a cargo de D. Carlos Quintas Fernández, Xefe do Servicio de Medicina Preventiva do Hospital Universitario Lucus Augusti  e Profesor Asociado de Medicina Preventiva e Saúde Pública da USC.

"Charla formativa e sensibilizadora sobre o tema da vacinación, para tratar de estimular ao alumnado no seu coñecemento e nas controversias que neste momento son sumamente relevantes, sobre todo pola visibilidade tan poderosa que están a ter os movementos antivacinas en todo o mundo e que non están a ser rebatidas en debate científico de forma contundente."

Webs de referencia:
- www.vacunas.org
- www.vacunasaep.org
- páxinas da Organización Mundial de la Salud-CDC.

 

Distribuir contido


by Dr. Radut