Actividades extraescolares IES Muralla Romana

VISITA A BIOCULTURA, A CORUÑA.

Start: 04/03/2022 09:00

End: 04/03/2022 19:00

Visita á feira de produtos ecolóxicos e ecoturismo, BIOCULTURA na cidade da Coruña.

Destinatarios/as: alumnado de 1º e 2º PECOCA.

Saída do centro: 9:00h

Regreso: +/- 19h.

Calendario

EUROENTROIDO 2022

O venres 25 de febreiro celebramos o "Euroentroido 2022. Percorrido musical por Eurovisión."

O alumnado de 1ºINFOFI responsabilizouse da presentación do evento, gravación e velou en todo momento por respectar a capacidade do salón de actos. As comparsas animáronnos e fíxeronnos bailar e cantar ao ritmo de ABBA, Ckikilicuatre, María Isabel, Little Big...

Se queredes ver imaxes deste Euroentroido, premede neste enlace.

GRAZAS A TODO O ALUMNADO que formou parte das comparsas (2ºESOA_B_C_3ºESOA_3ºPMAR_4ºESOA), ao que colaborou na realización deste evento, ao Departamento de Imaxe Persoal pola súa caracterización das Tanxugueiras; en fin, a todas as persoas que nos fixeron pasar uns momentos tan divertidos e agradables.

VISITA Á CASA DEL AGUA E A DOMUS

As alumnas do CS de Estética Integral e Benestar visitaron o centro de talasoterapia, Casa del Auga na Coruña. Tras unha visita guiada para coñecer as instalacións, realizaron sesións prácticas e gozaron da súa gran pisicina con auga de mar e dun completo circuíto termal. Pola tarde visitaron o museo científico-divulgativo Domus (Casa del Hombre) que as convidou a reflexionar sobre a especie humana.

Tiveron a oportunidade de ver unha exposición sobre a nutrición e os Obxectivos do Desenvolvemento Sostible da Onu e finalizaron a súa visita gozando dunha paseo pola cidade.

ENTREGA DE PREMIOS XXVII CERTAME DE CONTOS E RELATOS CURTOS TRAPERO PARDO

Hoxe, mércores 23 de febreiro, fíxose entrega no auditorio do Vello Cárcere de Lugo dos premios ás gañadoras do XXVII Certame de contos e relatos curtos Trapero Pardo.

Toda a comunidade educativa deste centro felicita a Sara P. L. polo recoñecemento ao seu traballo e dálles os parabéns a todos e todas os/as participantes neste certame.

Fotos da entrega de premios.

PROGRAMA EN RADIO LLAMA

Bradreddine e Andrea (alumno e alumna de 2ºASIADIR) realizaron e montaron este programa da radio escolar, "Radio Llama", no que entrevistaron a alumnas participantes no X concurso "Lucus Intercentros" (actividade cancelada debido á situación sanitaria actual) e remataron achegándonos información sobre a actualidade musical. Este programa foi emitido en directo para a toda a comunidade educativa e gravado para compartilo con todos e todas.

TALLER DE TRATAMENTOS FACIAIS E CORPORAIS

Susana Vizcaíno, técnica da casa Prodube, impartiu un taller formativo en tratamentos faciais (demostración) e corporais ao alumnado de 1º ASIMPE e 1ºESINBE no taller de Imaxe Persoal.

ACTIVIDADE FORMATIVA NA CORUÑA

Start: 23/02/2022 09:10

End: 23/02/2022 20:30

ACTIVIDADE FORMATIVA NA CORUÑA

PROGRAMA:

Mañá: visita á Casa del Agua, TERMARIA.

Tarde: visita á DOMUS e paseo polo centro da cidade.

ALUMNADO: 2ºCS ESINBE

Saída do centro: 09:10h

Chegada: 20:30h

Calendario

PREPARANDO A GRADUACIÓN

Este xoves estivo na biblioteca do centro Inmaculada Purriños sacando as fotos para a orla dos ciclos de réxime ordinario que se gradúan este ano. Este evento, que se realizará en marzo, está organizado polas alumnas do 2ºCS de Asistencia á Dirección, Ana, Irene, Cristina e Natalia.

TALLER DE FORMACIÓN EN MAQUILLAXE SOCIAL

O alumnado de 1ºASIMPE participou nun taller formativo sobre maquillaxe social, impartido por Susana Vizcaíno, técnica da casa comercial Prodube.

Fotos do taller

ENTREGA DE PREMIOS I TORNEO XADREZ

Hoxe realizouse a entrega de premios aos /ás finalistas do I TORNEO DE XADREZ e agradecemos a colaboración do alumnado que actuou como presentadores/as e dinamizadores/as do evento por facelo así de ben, sen esquecer felicitasr a todos e todas os participantes ao longo do torneo por amosar que o tempo de lecer sempre abre camiños e ao profesor e profesora coordinadores que fixeron posible achegar este deporte ao alumnado.

Imaxes dos presentadores e do gañador -Samuel- acompañado por Gabriel, profesor organizador e encargado de entregar os premios.