Actividades extraescolares

O alumnado de 1º curso do ciclo superior en Desenvolvemento de aplicacións multiplataforma participou o 28 de abril no concurso de programación competitiva Programa-me de ámbito nacional. 

O concurso Programa-me está organizado pola Universidade Complutense de Madrid e participan centros de todo o estado. O alumnado forma grupos de tres membros máis un suplente e intentan resolver en 3 horas entre 8  e 12 problemas de programación cun forte compoñente algorítmico. Cando un equipo resolve un problema, recibe un globo da cor identificativa do mesmo. 

A experiencia foi moi enriquecedora xa que, ademais dos coñecementos adquiridos durante o seu desenvolvemento, o alumnado puxo en práctica o traballo feito ao longo do curso. 

Premendo nesta ligazón pode verse o desenvolvemento completo do curso.  

Raúl Ordóñez, responsable de SHERPA. Cultura dixital, impartiu unha charla ao alumnado de 3ºESO sobre os  Riscos das redes sociais e  uso responsable destas.  

En horario de tarde, a charla estivo dirixida aos pais e nais do alumnado. 

Lucía Martínez, traballadora social de  ASPACE e Fernanda Arrojo, presidenta desta asociación, visitaron o noso alumnado de 1º de FPB de INFOFI para ofrecerlles unha visión da realidade da diversidade funcional, o seu día a día e as actividades que realizan na entidade co obxectivo de sensibilizar e concienciar o alumnado de vidas diferentes con capacidades diferentes. Nunha primeira sesión achegáronnos ao que é a parálise cerebral, levando a cabo un intercambio de ideas sobre os mitos e estereotipos, preguntas e debete e, posteriormente, Fernanda explicoulle ao alumnado a súa historia de vida.