ORIENTACIÓN

O vindeiro xoves 8 de abril celebraremos unha XORNADA VIRTUAL DE PORTAS ABERTAS, para dar a coñecer ao Futuro Estudante a nosa ampla oferta de titulacións de Grao e a Vida Universitaria https://www.udc.es/gl/futuros_estudantes/portas_abertas/, en horario de 10:00h a 14:00h e de 16:00h a 20:00h, a través de Teams.

Manteremos vídeoconferencias simultáneas en vivo, unha por cada Rama e Coñecemento, seguindo o seguinte esquema:

a. Perfil de ingreso

b. Por que estudar este Grao na UDC

c. Contido da titulación d. Saídas profesionais

e. Enderezo electrónico de contacto, ao final da presentación, para posteriores consultas sobre a/s titulación/s.

O alumnado poderá:

* Conectarse directamente premendo na ligazón que figura ao lado de cada titulación no horario sinalado. Non é necesaria inscripción previa nin ter instalado Teams.

* Interactuar cos relatores e aclarar as súas dúbidas

* Visitar virtualmente os Centros da UDC: Facultades, Escolas, Residencias, Instalacións deportivas...

* Ver os testemuños de alumnado matriculado e egresado

* Participar en retos e obradoiros e conseguir agasallos

Haberá videoconferencias sobre ABAU e PREINSCRIPCIÓN en horario de mañá e tarde e un PUNTO DE INFORMACIÓN atendido polo persoal do Servizo de Estudantes durante toda a Xornada.

Coa finalidade de que poidades informarvos sobre aquelas titulacións do voso interese, achéganse as ligazóns para acceder á visita, así como outra información complementaria. 

Do 22 ao 24 de febreiro celebrarase a terceira edición de UNIferia, a Feira Virtual das Universidades españolas, promovida pola CRUE que permite o encontro dos futuros estudantes cos Graos que se van impartir o vindeiro curso 2021-22. 

HORARIO: de 10:00h a 14:00h e de 16:00h a 19:00h.

O persoal do Servizo de Estudantes estárá pendente  para solucinarlles calquera consulta ou aclaración que precisen. 

Funcionará como unha Feira Universitaria presencial (premendo aquí poderás velo) pola que poderá pasear o seu alumnado visitando os stands das Universidades españolas presentes na Feira.

A Universidade da Coruña (UDC) terá un espazo virtual baixo o lema: ENTRA NO FUTURO, no que o alumnado coñecerá de primeira man a súa ampla oferta académica de Graos dos Campus da Coruña e de Ferrol, achegarase á Vida Universitaria que lle espera e poderá consultar as dúbidas que teña de notas de corte, entre outros temas. 

Para coñecer a relación de Graos que se imparten na UDC e a Vida Universitaria, debedes premer aquí.