LINGUA GALEGA E LITERATURA

O pasado venres 19 todos os participantes de ENREDANDO CO GALEGO, que comprendía alumnado desde 1º ESO ata 1º BAC, achegáronse ata o auditorio Gustavo Freire para celebrar a gala final dese certame. Alí gozaron co magnífico concerto de Fillas de Casandra e logo recolleron os premios ás composicións máis destacadas. Estes foron para Naiara Diéguez Romero (3º ESO), Pablo Dorado Loureiro (3º ESO), Abdesamad Aksasse (4º ESO), Laura García Castro  (4º ESO), Alba López  Yebra (4º ESO) e María Penín García (1º BAC). Outras/os compañeiras/os recibiron agasallos mediante sorteo.
Parabéns a todas e todos! Agardamos que sigades escribindo así de ben e que poidades participar o vindeiro ano.

O pasado martes 16 de maio estivemos de celebración, era o día anterior ao Día das Letras Galegas e na entrada do noso centro quixemos facer unha pequena homenaxe a Francisco Fernández del Riego, á nosa lingua e á nosa cultura nun acto poético-musical. Participaron rapazada de 3º e 4ª ESO.
Máis info

PARABÉNS ao alumnado de 4ºESO e á súa docente María Xesús Adán polo resultado obtido no programa Prensa escuela organizado por La Voz de Galicia!!!

O artigo que achegaron nesta actividade leva por título: "Galicia, berce de intérpretes, romarías e verbenas" e tal e como recolle o desenvolvemento da noticia publicada hoxe en La Voz de Galicia: 

Da música galega se caer nos tópicos

"Falar da música de Galicia pode acabar sendo un rosario de tópicos, pero os alumnos de 4ºESO do IES Muralla Romana (Lugo), dirixidos por María Xesús Adán, conseguírono. Quedou terceiro de Galicia cos seus 5 votos do xurado, que destacou o ambicioso da reportaxe e as moitas voces consultadas, dende o máis tradicional da música aos novos movementos."

MOITAS FELICIDADES A TODOS E A TODAS POLO PREMIO PROVINCIAL DE LUGO E POLO RECOÑECEMENTO A NIVEL GALICIA!