Historia e Contorno

O I.E.S "Muralla Romana" é un centro de Educación Secundaria Obrigatoria, Bacharelato e Formación Profesional Específica de Grao Medio e Superior, situado no barrio de "A Piringalla", na zona norte da cidade de Lugo, R. Angelo Colocci, s/n.

ALGUNHAS PARTICULARIDADES

A actividade como centro educativo empeza no curso 1982-83  no edificio que actualmente ocupan os xulgados da cidade. Comeza como Centro de Formación Profesional, impartíndose a Especialidade Administrativa da Rama Administrativa e Comercial.

No curso 1985-86 inaugúrase o edificio actual como Centro de  Formación Profesional de Primeiro e Segundo Grao.

Coa aplicación da Reforma Educativa que supón a LOXSE  incorpóranse alumnos de Secundaria Obrigatoria e Bacharelato

O entorno do centro na actualidade ten pouco que ver co daquel momento, desprovisto de casas, servizos, accesos, etc. Hoxe é un barrio en pleno crecemento, no que a poboación se está a incrementar en porcentaxes elevadas.

Sendo unha das zonas da cidade de Lugo, coa vivenda máis accesible, son parellas xóvenes e persoas vidas doutras partes da cidade ou doutros países  os que están a ocupar a maioría das casas.

Procedencia dos nosos alumnos:

Non son alumnos do barrio no que está situado o centro, xa que no mesmo hai dous Institutos, e o Colexio da zona está adscrito ao Instituto Ánxel Fole.

• Alumnos de ESO: Dos colexios de Albeiros e Paradai, os nosos colexios adscritos.
• Alumnos de Bacharelato: Na súa maioría, os que obteñen o título de secundaria obrigatoria no Instituto.
• Alumnos de Ciclos: De toda a cidade e localidades cercanas.

É de destacar, ao longo dos anos, a disposición deste Centro a acoller calquera innovación proposta: Informática de Empresa, Módulos Profesionais, Informatización Administrativa, Apoio a Diversidade, acollida de programas para a formación ética e persoal dos nosos alumnos, participación de profesores do Instituto en Grupos de Traballo de elaboración de currículos de ciclos formativos, programas de resolución de conflitos entre iguais, etc. 

 O CONTORNO

 O Instituto de Ensino Secundario "Muralla Romana" é un centro situado na zona noroccidental da cidade de Lugo, no barrio de "A Piringalla", onde se completa a oferta educativa co CEIP Luis Pimentel e o IES "Ánxel Fole".

Atopámonos nun contorno físico enmarcado por rúas con pouca circulación de vehículos; é dicir, sen ruídos molestos, e onde predominan as vivendas de poucas plantas, pero si é certo que nos atopamos en período de crecemento. 

Non hai grandes industrias próximas, os postos de traballo da zona están relacionados co comercio, pequenos talleres e outros tipos de servizos. Neste espazo temos un pavillón polideportivo dependente do Concello, unha escola infantil e un Centro de convivencia-Casa das Linguas.

Tema moi importante é o achado do castro da Piringalla co que a historia faise patente na zona. Con anterioridade, producíranse algúns achados arqueolóxicos, pero ata fai moi pouco tempo ningún historiador situaba nesta zona un castro. As súas dimensións, así como os fosos e parapetos que debeu ter, fan del un asentamento relevante, segundo os especialistas que investigan no citado recinto existe vestixios dun forno, para fundición de ferro, do que quedan restos dunha parede. Así como as pedras de sete muíños romanos.