Eventos
 ACTIVIDADE EXTRAESCOLAR: ENCONTROS NO CAMPUS DE LUGO | ||
 | Día: 11 de febreiro | |
Ás 10:30 h sairase en autobús desde o centro, irán acompañados polo orientador do instituto e outro profesor.
PROGRAMA DA ACTIVIDADE:
10:50 - 11:00 Chegada do alumnado dos diferentes Centros de Ensino Secundario ao Auditorio da Facultade de Veterinaria.
11:00 - 11:10 Benvida ao Campus de Lugo por parte do Vicerreitor de Coordinación do Campus, D. Javier Bueno Lema.
11:10 - 11:30 Presentación do Campus lucense da Universidade de Santiago de Compostela por parte do Coordinador do Programa “A Ponte entre o Ensino Medio e a USC” no Campus de Lugo, D. Fco. Javier López.
11:30 -11:50 Alumnado universitario do Campus lucense compartirá cos asistentes a súa experiencia neste Campus en particular e na cidade de Lugo en xeral, e estarán abertos ás preguntas que se lles queiran facer.
11:50 - 12:00 Traslado dos participantes por itinerarios aos diferentes Centros do Campus e á Biblioteca Intercentros, segundo se detalla a continuación, acompañados por alumnado do Campus (os que elixiran o itinerario da Facultade de Formación do Profesorado, disporán dun autobús para o seu traslado).
Continuación do PROGRAMA para os seguintes itinerarios: Facultade de Veterinaria Facultade de Formación do Profesorado Facultade de Humanidades Escola Universitaria de Enfermaría
12:00 - 13:20 Recepción e visita en cada Centro, co desenvolvemento das actividades previstas en cada caso.
13:20 - 13:30 Traslado á Biblioteca Intercentros, acompañados por alumnado do Campus.
13:30 - 14:00 Visita guiada na Biblioteca Intercentros do Campus de Lugo.
14:00 - 14:10 Regreso á Escola Politécnica Superior, para xuntarse o alumnado de cada centro de orixe e rematar a xornada.
Continuación do PROGRAMA para os seguintes itinerarios: Facultade de Administración e Dirección de Empresas Facultade de Ciencias Escola Politécnica Superior Escola Universitaria de Relacións Laborais
12:00 - 12:30 Visita guiada na Biblioteca Intercentros do Campus de Lugo.
12:30 - 12:40 Traslado aos Centros correspondentes aos diferentes itinerarios, acompañados por alumnado do Campus.
12:40 - 14:00 Recepción e visita en cada Centro, co desenvolvemento das actividades previstas en cada caso.
14:00 - 14:10 Regreso á Escola Politécnica Superior, para xuntarse o alumnado de cada centro de orixe e rematar a xornada.
Cuestións a ter en conta:
- O profesorado dos centros de secundaria participantes que acompañe ao alumnado poderá sumarse ao itinerario que desexe, ou esperar ao remate da xornada (a partir das 14:00 horas, na explanada diante da Facultade de Veterinaria) para facerse cargo dese alumnado.
- Nas diferentes Facultades e Escolas do Campus, correspondentes aos 8 itinerarios previstos, haberá profesorado deses Centros para recibir ao alumnado e acompañalo na visita e nas actividades programadas.
- Na Biblioteca Intercentros, o alumnado de cada quenda se dividirá en pequenos grupos e realizará unha visita guiada acompañado por persoal deste servizo.
- O alumnado de secundaria de cada itinerario irá sempre acompañado nos seus desprazamentos polo Campus por alumnado universitario, que o guiará ao lugar que corresponda en cada momento.
- O Auditorio no que terá lugar a recepción dos participantes está situado na Facultade de Veterinaria, na avenida Carballo Calero do Campus lucense.
| ACTIVIDADE COMPLEMENTARIA: PROGRAMA ATRÉVETE | ||
 | Día: 12 de febreiro | |
Xornada de fomento do emprendemento para Educación Secundaria Obrigatoria. Dirixida a alumnado de 2º curso de ESO. Organizada pola Consellería de Cultura, Educación e Ordenación Universitaria e a Confederación de empresarios de Lugo.
PROGRAMA DA ACTIVIDADE:
Que farán?
09:40 h Saída desde o instituto
10:00 h Benvida dos representantes da Confederación de empresarios de Lugo.
10:30 h Reunión cun emprendedor ou emprendedora.
11:00 h Visita á empresa Cafés Candelas
Ao remate da visita, regreso ao instituto.
Lugares de celebración
Fundación CEL – Iniciativas por Lugo
Pazo de Feiras e Congresos de Lugo, El Palomar S/N - Lugo
Cafés Candelas S.L., Rúa dos Transportes, 7, 27003 Lugo
 ACTIVIDADE COMPLEMENTARIA: CHARLA - É xusto o noso sistema fiscal? | ||
| Día: 12 de febreiro | |
Esta charla temática, que forma parte do programa "A Ponte entre o Ensino Medio e a USC", correrá a cargo de D. Antonio López Díaz (Catedrático de Dereito Financeiro e Tributario. Profesor na Facultade de Dereito da USC).
Resumo: Pretende facer unha breve presentación sobre a estrutura do noso sistema fiscal, para logo analizar, comparándonos con países da nosa contorna, tanto a presión fiscal, como o reparto da carga fiscal en función da renda e a relación que existe entre tributación e redistribución da renda e igualdade.
Dirixida a alumnado do Departamento de Administración e Xestión.
| ACTIVIDADE COMPLEMENTARIA: MENTALÍZATE | ||
 | Día: 15 de febreiro Día: 19 de febreiro Lugar: Salón de Actos Organiza: Dpto. Orientación | |
MENTALÍZATE é unha campaña de información e sensibilización dirixida aos adolescentes, para a promoción da saúde mental. Organizada por FEAFES Galicia, promove hábitos e estilos de vida saudables, como prevención da enfermidade mental; centrado no risco que supón o consumo de alcohol e cannabis.
A campaña MENTALÍZATE busca dar a coñecer información das enfermidades mentais, traballando posibles estigmas asociados ás mesmas.
| ACTIVIDADE EXTRAESCOLAR: Visita ao MHN Luis Iglesias | ||
 | Día: 24 de febreiro | |
Actividade programada polo departamento de Ciencias Naturais para o alumnado de BeX.
As instalacións do Museo de Historial Natural no parque de Vista Alegre dispoñen dun conxunto patrimonial que se remonta ao século XIX con pezas singulares de gran valor para o estudo e a divulgación da biodiversidade e o medio ambiente.
O alumnado realizará unha visita guiada que consta de dúas partes:
1- Recorrido polas salas expositivas con explicacións
2- Actividade didáctica, adaptada ao grupo, na que os participantes actúan como “científicos” realizando un traballo de investigación sobre un tema relacionado coa exposición.
Ademáis aproveitarán a viaxe a Santiago de Compostela para realizar unha ruta turística polo casco histórico da cidade.
| ACTIVIDADE EXTRAESCOLAR: RUTAS LITERARIAS | ||
 |
Día: 25 de febreiro
| |
Hai 4 rutas: a da pantasma, a da serpe, a do paxaro e a do trasno. Cada unha das rutas está baseada nun relato do libro "Contos do Museo", con textos de Xabier P. Docampo, Agustín Fernández Paz, Paco Martín e Xosé Miranda. Ditos relatos son: Visita Nocturna, A serpe de pedra, Un paxaro posible e Un trasno do museo no Tour de Francia.
Xa no museo o alumnado deberá completar unha folla de ruta. Logo comprobaranse os resultados de cada unha das catro expedicións e repartiranse os agasallos correspondentes.
Recursos a empregar: materiais (libro, follas de ruta, bolígrafos, marcadores, ...) e didácticos (caderno do alumnado).
As rutas literarias cumpren unha función importante ao facilitarlles ao alumnado a posibilidade de realizaren múltiples actividades de tipo formativo-cultural fóra do medio propiamente escolar, xa que sitúan o alumno nun medio diferente ao seu, que lle vai propiciar unha maior convivencia e cooperación co/a profesor/a e outros compañeiros/as, ampliando os seus coñecementos e a súa comprensión integral.
Información da FP
Administración e xestión
Imaxe persoal
Informática e comunicacións
TodoFP
GaliciaSkills 2018
Cisco
Microsoft Imagine (MSDNAA)
