Unha vez máis o departamento de Bioloxía en colaboración cos seus alumnos vólvennos sorprender, nesta ocasión co seguinte vídeo no que podemos observar como a Bioloxía pode ser divertida.
Unha clase didáctica e amena na que colaboraron activamente alumnos e alumnas da profesora Begoña Outumuro. Encargáronse da documentación, interpretación, realización e produción do filme, gravado integramente nas instalacións do instituto.
Nel explícannos as fases da mitose coa axuda do proxector e mediante unha canción, versionando o tema de moda "Ai se eu te pego" de Michel Teló.
Agradecer que compartan esta grata experiencia connosco, pois serviranos de axuda para saber que é a mitose, cales son as súas fases e que acontece en cada unha delas.
Este ano o Departamento de Bioloxía e Xeoloxía organizou un Concurso de Maquetas da Célula, no que participaron alumnos e alumnas de 3º da ESO, coordinados pola profesora Dª. Ana Begoña Outumuro Pazos.
Tivo unha moi boa participación, sendo os traballos dunha gran calidade, creatividade e orixinalidade.
Coas maquetas presentadas realizouse unha exposición moi didáctica na entrada do instituto, sendo moitos os que se achegaron para observar con detalle tan excelente traballo.
Para a realización das maquetas empregaron todo tipo de materiais: recipientes, xelatinas, plastilina,... e todo o inimaxinable; dando como resultado a reprodución exacta de distintos tipos de células e os seus orgánulos (perfectamente rotulados para unha mellor identificación).
O xurado do concurso estivo formado por todos os alumnos da ESO, que tras observar as distintas maquetas daban a súa valoración.
Entablecéronse os seguintes premios, para canxear por material didáctico: 1º premio (75 euros), 2º premio (45 euros) e 3º premio (30 euros).
Felicitar aos participantes, por todo ese esforzo e horas dedicadas; así como á súa profesora, seguro que os seus alumnos non esquecerán nas súas vidas esta lección.
Información da FP
Administración e xestión
Imaxe persoal
Informática e comunicacións
TodoFP
GaliciaSkills 2018
Cisco
Microsoft Imagine (MSDNAA)
