Durante a entrega de premios.

Pinto d´Herbón e o Caruncho fixéronnos rir ben coas súas  imagníficas improvisacións. Explicáronnos a orixe da regueifa e axudáronnos a versificar. Xuntos pasámolo moi ben e saíronnos coplas moi apropiadas  para estas datas.

En febreiro fixemos varias actividades  :

- Unha exposición de poesía amorosa en galego para lle facer as honras a San Valentín.

- Celebración primeiro certame de microrrelatos de amor: Amor, amor en cen palabras!!

- Elaboración de carteis divulgativos sobre as festas do Entroido en Galicia e os vocabularios relacionados coas vestimentas , a gastronomía e os días significativos desta festa.

- Obradoiro de regueifas a cargo de Pinto d´Herbón e o Caruncho.

En Xaneiro comezamos a elaborar calendarios, que logo de plastificados, foron distribuídos por todas as aulas e espazos máis concurridos do Centro. Neles recóllense explicacións sobre cuestións lingüísticas, refráns e fraseoloxía tradicional sobre cada mes, actividades do Centro e eventos relacionados co noso idioma.

Nas vésperas do Nadal, os rapaces e rapazas do ENDL do noso IES prepararon dous contos para representárllelos aos cativiños do CEIP . Fixérono de marabilla. Os contos eran " Cando Martiño tivo ganas de mexar na noite de Reis" e " Gato Guille e os monstros".Despois dos contos interpretaron un baile e agasallaron aos meniños con pegatas e doces.

Para celebrarmos o Samaín fixemos un mural explicativo das orixes desta festa. O Departamento de Plástica axudounos a construír un decorado ambientando o centro con cabazas cheas de maxia.