Dende o curso 2019-20 no IES de Mos estamos a desenvolver un programa de Educación Emocional xa que entendemos que este é un alicerce fundamental no desenvolvemento integral das persoas, con especial relevancia no noso alumnado polo momento de crecemento persoal no que se atopan.

 Ademais, cremos que a educación emocional impacta non so no ámbito individual, senón tamén no social porque individuos emocionalmente competentes establecerán relacións máis saudables e empáticas construíndo unha comunidade máis plena e solidaria.

 Por iso no curso 2019 presentámonos ao programa da Fundación Botín: Educación emocional, social e da creatividade do que xa somos Centro graduado. Este programa permitiunos a todo o claustro recibir formación durante tres cursos destas facetas da Educación Emocional impartidas por profesionais especializados.

 Paralelamente,comenzamos a desenvolver actividades complementarias nas titorías coa finalidade de favorecer o crecemento emocional do noso alumnado e a mellora na convivencia do noso centro.

E esa segue a ser a nosa liña de traballo, aínda que outro obxectivo fundamental é chegar máis lonxe. Non só é importante traballar a Educación Emocional a nivel alumnado, senón que chegue a toda a comunidade educativa. Así, queremos convidarvos a formar parte e colaborar tamén na Escola de Familias, onde esperamos veros a todas e todos nas próximas convocatorias.