Encontros coas Familias: creando comunidade
Dentro do marco dos Contato-Programa da Consellería de Educación, estanse a organizar, ao longo deste curso escolar, os “Encontros coas Familias: creando comunidade”.
Estes encontros nacen dende a convicción de que profesorado e familias compartimos un mesmo obxectivo: educar para a vida e formar persoas. Este proxecto será posible se somos capaces de camiñar nunha mesma dirección e atopar liñas de actuación comúns cos nosos xóvenes. Se somos quen de atopar, obxectivos e estratexias que nos permitan manexar de forma eficaz a tarefa de educar, dende a familia e dende a escola, para establecer, cada un dentro do seu ámbito, os plans de acción máis axeitados
Así, os "Encontros" constituirán un espazo onde poder compartir inquedanzas, resolver dúbidas e intercambiar experiencias. Todo elo contando coa axuda de diferentes expertos e profesionais. Os obradoiros terán lugar ao longo do curso ás 20: 00 h no Salón de Actos do IES de Monterroso, esperamos a vosa asistencia, un afectuoso saúdo, a directora, Carmen Sarmiento Marqués