Biblioneme

Entregados os premios dos concursos de relatos de medo e do logotipo do Equipo de Dinamización da Lingua Galega. 

Os primeiros premios do Concurso de relatos de medo recaeron en Noa Fraga García (mellor relato do 1º ciclo da ESO) e Salma Lamas Lagoa (mellor relato do 2º ciclo da ESO). Os accésits foron para Natalia Lavandeira (1º ciclo da ESO); e Marta Eirís e Issei M. Suárez (2º ciclo da ESO).

Pola súa parte, no Concurso do logotipo, o primeiro premio foi para Lara Fondo Santos (1º de Bacharelato). Os accésits recaeron en Aroa González Sanmartín e Berta Díaz Nieto.

Parabéns a todas e a todos pola súa implicación e a calidade dos traballos!

Na biblioteca do Monte Neme tamén celebramos o Magosto con moita actividade!

Alumnado e profesorado da ESO, bacharelato e ciclos formativos, desfrutamos dunha xornada de xogos de mesa moi variados.

Xogamos ó parchís, houbo varias partidas de xadrez, resolvéronse varios crimes na cidade do MicroMacro, investigamos co Nobel Run, competimos un pouco respondendo preguntas co Smart10, adiviñamos as imaxes escondidas tras palabras co Dixit e tamén puidemos ler unha selección de libros de misterio e medo. E sobre todo, pasámolo moi ben con xogos, libros e compañeiros diversos.

Recordade que os xogos están dispoñibles na biblioteca para poder xogar calquera día. Esperámosvos!

Aberto o prazo para participar no concurso de relatos de medo do Equipo de Dinamización da Lingua Galega. Entrega o relato (en lingua galega) cos teus datos e grupo antes do 25 de outubro na Biblioteca e poderás gañar un premio de 30€!

Anímate e participa!