ROTEIROS SOBRE LUÍSA VILLALTA POLA CORUÑA DO ALUMNADO DE 3º DE ESO.
O mércores 22 de maio de 2024 e o venres 31 de maio de 2024 tiveron lugar sendos roteiros sobre a escritora e música Luísa Villalta (autora a quen se adica o Día das Letras Galegas do 2024) pola cidade da Coruña, organizados pola nosa compañeira do Departamento de Lingua Galega e Literatura Mar Hemida Pico, nos que participou o alumnado de 3º de ESO. Foi o alumnado de Proxecto Competencial de 3º ESO E o que o preparou a actividade e o que fixo de guía. Foi unha experiencia novidosa no centro e foi acollida de forma positiva e motivadora polo alumnado. O roteiro partiu da praza de María Pita,e pasou pola Praza da Fariña, Casa Cornide, Cemiterio de Santo Amaro, Campo da Leña, Praza do Papagaio, Obelisco, rúa Vila de Laxe 6 e rematou no instituto. Na actividade fóronse intercalando textos e poemas de Luísa Villalta con explicacións variadas sobre os diferentes lugares.
