CHARLA E PROXECCIÓN DE CURTAS DE NORTE CINEMA DIVERSO NO SALÓN DE ACTOS DO IES MONTE DAS MOAS
O xoves 25 de xaneiro de 2024 tiveron lugar, no Salón de Actos do noso centro, sendas sesións de proxección de curtas, charla e coloquio, co alumnado de 4º de ESO, en relación coas actividades do programa NCD Educa vencelladas a Norte Cinema Diverso, o certame de cinema LGTBI+ da nosa cidade, A Coruña. A actividade estivo organizada pola nosa compañeira do Departamento de Lingua Galega e Literatura, Mar Hemida Pico. A idea é achegar o festival aos centros educativos. A proposta consistiu en proxectar catro curtas, cunha duración de entre 30 a 40 minutos en total. Estas foron sobre o Bullying, menores LGTBI, familias LGTBI , novas realidades…Despois da proxección abriuse unha interesante e animada charla debate para o alumnado e o profesorado participante, onde acudiron dous representantes da Asociación Palestra LGTBI+, organizadora de NCD e un membro dunha das asociacións LGTBI+ da Coruña. Animouse tamén ao alumnado e ao profesorado a acudir ás sesións do propio festival que se celebraron o 29 de febreiro e 2 de marzo.