VISITA Á EXPOSICIÓN "SYMPHONY: UN VIAJE VIRTUAL AL CORAZÓN DE LA MÚSICA"

O alumnado de 2º de ESO visitou o día 24 de outubro de 2023 esta exposición, organizada por Caixaforum nos Xardíns de Méndez Núñez da Coruña. A actividade estivo promovida e desenvolvida polo Departamento de Música.

Symphony é unha experiencia inmersiva audiovisual que ofrece unha viaxe a través das emocións e a música co obxectivo de achegar a música clásica a todos os públicos. O alumnado puido vivir e entender a música clásica sentíndose como un músico máis dentro dunha orquestra.

A través desta experiencia única, disfrutaron das composicións de Beethoven, Mahler e Bernstein, da man do gran director de orquestra Gustavo Dudamel e dos máis de 100 músicos integrantes da prestixiosa Mahler Chamber Orchestra.