Skip to Content

Lingua e literatura galega

Tinta de Calamar

Xov, 16/05/2024 - 05:29

Co gallo da celebración do día das letras galegas os grupos de 2º e 4º da ESO acudiron a biblioteca Rialeda para ter unha parolada con Ramiro Neira, marabilloso comunicador que falou de Luísa Villalta poeta, pero tamén violinista, ensaísta, dramaturga e, sobre todo, mestra.

Coa figura de Luísa docente, quixo Ramiro reflexionar con eles sobre a importancia de ler e de aprender a entender o que lemos, reflexionou sobre a posibilidade de que a educación implique compartir, pero chamoulles ademais a atención sobre o feito de  que non se pode compartir se non partimos dun respecto polos noso iguais e polos nosos docentes.

 É unha fortuna que Ramiro Neira coñecese persoalmente a Luísa Villalta  por pertencer el ao grupo de teatro Sardiña. Rememorou vivencias persoais e escolleu libros da autora que están na biblioteca municipal, entre eles un que é unha homenaxe do alumnado que tivo Villalta no IES de Sada. Porque Ramiro en todo momento destacou a faceta docente de Luísa Villalta na que traballou os valores da liberdade e do respecto ás ideas.

 Varios alumnos e alumnas leron fragmentos destes libros sobre o amor polo  galego, a defensa do ensino público, a importancia da formación... para comentalos.E como non podía ser doutro xeito, rematamos cun poema da autora homenaxeada.

GAÑADORAS DO CONCURSO DE MARCAPÁXINAS. LETRAS GALEGAS 2024. LUISA VILLALTA

Xov, 16/05/2024 - 05:18

O xurado do IES Miraflores constituído polas profesoras Ana Sogo, Begoña Bugía, Vanessa Lesta e Graciela Grande, fallou en favor das  alumnas de 1º bacharelato do IES Miraflores:
 

1º PREMIO. ALBA DINA AMAKRANE FERNÁNDEZ

2º PREMIO. LOLA FÍRVIDA GONZÁLEZ

3º PREMIO MARIA RENÉ AGNE AQUINO

Parabéns!!!!!!!

 

Falando con Zenzar

Mér, 03/04/2024 - 03:40

Zënzar é unha banda de punk rock galega procedente de Meirama  e formada durante o outono do ano 1987.


Son a banda con máis anos de actividade en Galiza facendo rock en galego, polo que son alcumados a miúdo como "os padriños do rock galego".

O vocalista do grupo é o polifacético Xosé Bocixa  que estivo no noso centro acompañado de Paco Cerdeira 'Pacolas' e da ilustradora Laura Romero.

O alumnado de 2º ESO desfrutou o pasado 21 de marzo no salón de actos do instituto, non só das súas cancións senón tamén das súas experiencias ao longo da súa dilatada traxectoria.

A actividade estaba organizada polo Equipo de Dinamización do IES Miraflores e o Concello de Oleiros.

Feirantes - Saída a Rialeda

Mar, 20/06/2023 - 04:45

O mércores 10 de maio de 2023, a nosa clase de 3ESO A do IES Miraflores acudiu a unha excursión Á Biblioteca da Rialeda en Perillo. Nesta saída do instituto fomos ata alí en bus; saímos do noso centro ás 10:00 e estivemos xa de volta ás 11:30 máis ou menos.

O narrador que estivo a contarnos os contos chamábase Ramiro Neira, que xa fixera máis contacontos con mozos da nosa idade do noso instituto. Ramiro comezou facéndonos unhas preguntas persoais ou xerais a algunhas de nós e logo xa comezou  a narrar os contos. O conto que nos estivo a contar chamábase “Tristán García” e está escrito por Álvaro Cunqueiro. Esta obra falaba dun home chamado Tristán García o cal estaba desesperado por atopar a orixe do seu nome, xa que para aquela época non era un nome nada común.
Máis tarde este home, Tristán tivo que marchar a León a facer o servizo militar, e alí atopou un libro. Este libro, que non o deixou indiferente, titulábase Tristán e Isolda. Nese momento Ramiro mais a nosa compañeira Uxía imitaron a portada do libro, dándose unha aperta. Dende que atopou o libro, Tristán buscou unha Isolda. Foi difícil e tivo a sorte de que o axudou o capitán, xa que el coñecía a unha.
Esta Isolda era unha churreira, de 90 anos, moito maior ca Tristán e ademais casada, pero a pesar disto a Tristán gustoulle. Cando lle dixo a ela como se chamaba, Tristán,  Isolda comezou a chorar, porque ela levaba toda a vida buscando a un Tristán e como non o atopou casou cun home chamado Ismael.
Entón desolado, Tristán volveu a León no tren chorando e comendo unha ducia de churros que Isolda lle deu Isolda. Ramiro nesta historia principal ía introducindo outras historias máis breves, como comparacións ou cousas que lle pasaran a el e á súa familia na súa vida cotiá.
Nesta saída chamoume a atención a facilidade que tiña Ramiro para narrarnos a historia e o amenos que o fixo. O que máis me gustou foi que interactuara con nós. Na miña opinión deberiamos facer máis excursións como estas nas que aprendamos doutras maneiras máis amenas e didácticas; ademais de aprender a desenvolver outras habilidades como as de falar en público grazas a os consellos que nos deu Ramiro.

Celia 3ESO A

 

Actividades de dinamización lingüística

Dom, 07/05/2023 - 14:25

No seguinte enlace pódese acceder ás crónicas de todas as actividades organizadas polo equipo de Dinamización da lingua galega

ACTIVIDADES DO EQUIPO DE DINAMIZACIÓN DA LINGUA GALEGA

Tinta de calamar

Xov, 16/05/2024 - 04:48

Co gallo da celebración do día das letras galegas os grupos de 2º e 4º da ESO acudiron a biblioteca Rialeda para ter unha parolada con Ramiro Neira, marabilloso comunicador que falou de Luísa Villalta poeta, pero tamén violinista, ensaísta, dramaturga e, sobre todo, mestra.

 

Coa figura de Luísa docente, quixo Ramiro reflexionar con eles sobre a importancia de ler e de aprender a entender o que lemos, reflexionou sobre a posibilidade de que a educación implique compartir, pero chamoulles ademais a atención sobre o feito de  que non se pode compartir se non partimos dun respecto polos noso iguais e polos nosos docentes.

 

A NOSA VIAXE A MONDOÑEDO

Ven, 23/06/2023 - 04:21

O alumnado de 3ºESO A, con 2 monitores e 2 profesoras (Rocío e Vanessa), fomos o xoves 2 de marzo a unha excursión a Mondoñedo para coñecer lugares de Galicia e para coñecer a vida dun gran escritor, Álvaro Cunqueiro.
A excursión comezou ás nove cando subimos ao bus. No bus estivemos vendo filmes e escoitando música xa que nos asentos había unhas pantallas moi grandes con xogos, películas, música, series… Despois de case 2 horas no bus, baixamos e camiñamos ata chegar a un gran seminario, no que Fran, o noso monitor, explicounos que era e que nel estudou Noriega Varela. Despois de ver o seminario paramos na Fonte Vella, sacamos unhas fotos, e, comezamos a ruta do “Roteiro da auga”. Na ruta observamos a natureza e rimos moito porque houbo moitas caídas por culpa da lama. Rematamos a ruta moi contentos ao ver a fervenza tan bonita que había.
Á hora de xantar fomos a unha área recreativa, na que comemos moito, todos tiñamos moita fame pola camiñada. Cando rematamos de comer algúns compañeiros e eu baixamos a ver a outra fervenza que había alí.
Sobre as catro da tarde, visitamos a vila, na que atopamos a praza principal coa Catedral e tamén visitamos o museo de Álvaro Cunqueiro no que aprendemos moitos datos sobre el. A continuación fomos a un Mosteiro alí, un home contounos e falounos do Camiño de Santiago e dos antigas costumes dos peregrinos. Cando rematamos a nosa visita os monitores deixáronnos un tempo libre para explorar a vila. Nese tempo cunhas compañeiras da clase fomos ao supermercado a mercar algo para merendar.


Finalmente, sobre as seis, subimos ao bus para volver a Coruña. Nesas case 3 horas algún durmimos e outros seguiran vendo as películas, falando ou escoitando música.
Foi unha viaxe moi divertida e entretida na que aprendín moitas cousas e descubrín un lugar novo, Mondoñedo, terra de grandes escritores.
Iria, 3 ESO A

A nosa excursión a Rianxo - 18-5-2023

Mar, 20/06/2023 - 04:39

Que boa sorte tivemos de poder descubrir a vila de Rianxo coa súa historia na que destaca a canción da RiAnxeira e as casas de tres escritores fundamentais a nivel nacional: Manuel Antonio, Rafael Dieste e Alfonso Daniel Rodríguez Castelao.

Empezamos a mañá chuviosa coa canción da Rianxeira, todos con moitas gañas de pasar o día xuntos e motivados de aprender sobre a historia da pesca e da literatura galega. Ao chegar a Rianxo visitamos o bonito monumento da Rianxeira. Descalciña, como di xa o texto, foi representada como a rapaza xove que nos imaxinamos. Na mesma zona, no porto de Rianxo, hai monumentos dos outros persoeiros importantes que destacan no ámbito da literatura dos cales os educadores nos contaron feitos interesantes.
Mais non só o fondo literario é o que fai de Rianxo unha vila particular, senón que tamén os monumentos que representan o fondo da pesca rianxeira e que lle dan o toque mariñeiro á vila. Sabedes que o remo dun barco pesqueiro mide catro metros e medio? É a medida do ancho das casas de cerca do porto.

Entre rir e falar moito, pasounos rapidiño o tempo. Despois do paseo informativo no porto de Rianxo, seguimos polo centro da vila, onde nun café paramos e cantamos a Rianxeira outra vez, agora acompañados pola gaita tradicional.

Logo fomos ao Museo do mar, onde descubrimos algunhas cousas máis da pesca rianxeira, por exemplo a construción dun barco pesqueiro, o proceso da pesca ou a cría dos mexillóns.
Pouco a pouco, o noso tempo en Rianxo estaba esgotándose. Despois dun pequeno descanso no que algúns comeron e outros xogaron ao xadrez, fixemos unha caza do tesouro pola costa. Aínda que a choiva volvera, algúns de nós bañáronse na praia antes de empezar o viaxe a casa cheo de cantar, rir e falar. Moitas grazas por posibilitar ese día inesquecible.

Elena Djordjevic 1º BAC C

O bo, se breve...

Ven, 12/05/2023 - 06:33

O  día 21 de abril o alumnado de 4º de ESO A, B e C participou na actividade " O bo, se breve,..." , unha introducción ao microrrelato da man da escritora e profesora  María Isabel Andrés Llamero, da Universidade de Salamanca. Con ela tiveron oportunidade de coñecer os fundamentos deste xénero narrativo, disfrutar dalgúns dos seus contos máis interesantes e xogar a poñerlles título. A actividade tivo lugar na biblioteca de  Oleiros e resultou moi didáctica e amena.

Os departamentos implicados foron os de Lingua castelá e Lingua galega.

A“V Carreira da Luz” promovida polo IES Miraflores recadou 6.100€ para a Fundación Diego González Rivas

Ven, 12/05/2023 - 06:05

O pasado venres 21 de abril, unhas 400 persoas de todas as idades participaron na carreira popular que por quinto ano consecutivo impulsou o noso centro.

Queremos, xa que logo, darvos as GRAZAS a todos e a todas, corredores /as, colaboradores/as, voluntarios/as, patrocinadores/as, entidades, empresas...porque sen a vosa axuda, non sería posible levala a cabo.

Somos conscientes de que hai moitas cousas que mellorar.Tomamos nota e admitimos suxestións para vindeiras edicións,pero tamén estamos satisfeitos,posto que  o obxectivo principal está máis que acadado: A SOLIDARIEDADE E O TRABALLO EN EQUIPO,unha das máximas que impera no IES Miraflores.

Co fin de recadar fondos, promover un estilo de vida saudable e  fomentar a coperación entre as personas, o noso instituto leva organizando dita  carreira solidaria dende hai anos.

Diferentes actividades: mercados solidarios, inchables, degustación de produtos caseiros con chocolate quente elaborado pola ANPA, uns speakers do máis animado e moita música, amenizaron o evento, que acabou conveténdose nunha  grande festa solidaria.

Nesta ocasión a liña de colaboración solidaria téndese coa FUNDACIÓN DIEGO  GONZÁLEZRIVAS,entidadeconselogalego,recentementeconstituída,queten  comoobxectoainvestigaciónmédicaeque  leva  o  nome  do  cirurxiáncoruñés  que,desdefaimáisdunhadécada,  opera  en  todo  o  mundo  a  persoassenrecursosatravésdasúatécnicadecirurxíaUniportalVATS.

 

E aí  é onde toda a comunidade educativa do IES Miraflores puxo o seu gran de area.

Os 6.100 euros recadados este ano, grazas á xenerosidade de todos vós, participantes e colaboradores, permitirán salvar moitas vidas.

A vosa solidariedade xunto  co apoio incondicional do  Concello de Oleiros e das máis de 50 empresas e entidades varias  que a continuación pasamos a detallar, fixeron posible cumprir o noso reto: DAR LUZ á vida da xente enferma que tanto o necesita…

GRAZAS:

Anpa Miguel Hernández, Toyota Material Handling, Salón Diude de Compostela, Sup Mera,  Eroski-Vegalsa,Fundación Deporte Galego, HLB Grupo Jim Sports, Club Thriathlon Fogar Oleiros,  Abanca, Grupo Hostaleiro Asueto, Auditel,Progando,Urban Planet,Abanca,Estrella Galicia, Viaxes Sierra, Galitelco, Librería Sisargas , Panadería Román, Grupo Montesqueiro... Alfinte,Barbería Dman, Bodegas Míllara, Bolboreta libraría, Casa Amodiño (Belesar) Chartimia, Club Fogar Triatlón, Cosméticos de la rosa CRC(obras y servicios), Cruz y Mora, Estrella galicia 00, Farmacia Pablo Durán, Ferretería Liáns, Fiodemartié,Floristería Alba,Frutería La Huerta; Fundación Deporte Galego, Insoepan electricidad, Logopeda Sofía Feás García, Mahashakti, centro yoga integral,Manguz Mapfre seguros,Multijungla, Óptica santa cruz, Panadería Román,Paperazzi, Pombo, Quercus  artesanía y regalos, Restaurante Quinito (Barrañán),Ricardo Rilo,Soledad Fuentes Espacios de belleza,Soucos Clínica de Santa Cruz, Tarabela roupa e complementos…

 

Moitísimas grazas a todos e todas e emplazámosvos xa á VI CARREIRA DA LUZ que se celebrará o vindeiro curso 2023/24!!!!!

No seguinte enlace pódese acceder ao vídeo da carreira, elaborado por Martín Regueiro Días

Distribuir contido


by Dr. Radut