A nosa canteira

A práctica que deu lugar a esta exposición baséase na particular correspondencia que se establece entre linguaxe plástica e linguaxe verbal.
A intimista poesía de Xela Arias vai creando nos lectores imaxes persoais, moi diversas e mesmo dispares dependendo da sensibilidade e experiencia da propia persoa que se mergulla nela.
Nesta práctica, cada alumno intentou plasmar en imaxes o mundo que un particular poema desta autora espertou na súa imaxinación.
Os poemas fóronlles facilitados pola profesora, cada un específico para cada estudante segundo o criterio da mesma, pero despois entre eles puideron intercambialos, se os consideraban máis acaídos ou máis atractivos para convertelos en imaxes.
O exercicio completouse coa rotulación do poema.

Aquí podedes ver o resultado:

 
A fonte de inspiración dos artistas pode estar na súa contorna ou no seu interior.
 
Calquera imaxe que por algún motivo esperte neles un interese especial pode servir de punto de partida para a súa propia expresión, mesmo cando esta imaxe é a creación doutro ou doutra artista.
 
O estudantes de Debuxo Artístico son animados a coñecer e analizar algunhas famosas versións artísticas para comprender que tamén esas versións, lonxe de verse coma plaxios ou copias, son en realidade orixinais e ás veces magníficas obras de arte en si.
 
As alumnas e alumnos de DEBUXO ARTÍSTICO I escolleron como base para os traballos que aquí se poden contemplar algunhas obras mestras da Historia da Arte nesta exposición titulada “VERSIÓNS”.
 
A simple escolla dunha obra de arte para traballar sobre ela é un acto de reflexión, xa que lles obriga a pensar o porqué desa elección, que é o que queren eles cambiar ou redefinir desa obra e que razóns fan que lles pareza interesante a súa modificación.

O día 19 de novembro fixeron entrega dos premios do VI Concurso de Debuxo “Picasso coruñés”. O concurso propón que o alumnado reactualice as follas de xornal que creou Picasso adolescente os anos que viviu na Coruña. Os artigos do noso alumnado foron realizados durante o confinamento e esta experiencia aparece reflexada neles.

O acto de entrega tivo lugar na Casa museo de Picasso, a casa na que viviu na rúa Paio Gómez, cerca da Praza de Pontevedra e do instituto no que estudou e onde seu pai daba clase de debuxo. Todos os traballos premiados permanecerán expostos na casa museo ata fin de ano.

Os accésits na categoría de 1ESO e 2ESO foron para Inés Fernández Romero, cun traballo titulado “A torre de Hércules na soidade” sobre o peche da torre durante o confinamento.

E para Breixo García López con “O camiño á esperanza” sobre 

Isabel Zendal e a Expedición Balmes que levou a vacina da varíola a América.

 Accésit na categoría de 3ESO e 4ESO para: 

-Laura Correia Sánchez cunha primeira páxina titulada O Mundo, e un artigo “A pandemia do século XXI”, compostos á modo de xornal clásico e cun debuxo moi ilustrativo da pandemia.

-Lorena López García que fala das tendencias que poden basearse na obra de Picasso, mesmo na cosmética.

-Miguel Loureiro cunha magnífica e colorida caricatura de Picasso, un rótulo coa tipografía inspirada no cubismo e un texto de información e opinión sobre este artista.

Mar Barreiro gañou o primeiro premio de narrativa coa plana La voz de Picasso, realizado en branco e negro e que nos trae á memoria o Guernica, un cadro que naceu dunha guerra, e a metáfora da guerra que estamos librando contra a pandemia.

Parabéns e que sigan coa paixón polo debuxo e a arte!

“Este es el plano de la planta baja del instituto Miraflores hecho en Minecraft, ahora mismo estoy poniendo el suelo del insti y acabando de poner las paredes. La mejor forma de verlo es con el plano, por eso os mando esa foto. Ahora me falta por hacer la planta de arriba, el techo, las escaleras, las mesas y sillas. Ha sido muy divertido hacerlo, y me ha hecho recordar durante el confinamiento los buenos momentos en el instituto”. 

Antonio Otero