Skip to Content

Física e química

ACTIVIDADE EXTRAESCOLAR MUNCYT

Lun, 27/05/2024 - 08:27

Na primeira quincena de maio, o alumnado de 2º e 3º da ESO tivo a posibilidade de coñecer a través dunha visita guiada, as diferentes temáticas promovidas polo Museo Nacional de Ciencia e Tecnoloxía (MUNCYT) da Coruña.

No caso do alumnado de 2º ESO, a través da realización dunha xincana que lles permitiu afondar coñecementos sobre diferentes inventos correspondentes principalmente ao século XX, relacionados coas diferentes ramas científicas.

Pola súa parte, o alumnado de 3º ESO, coa realización dun taller de introdución á química e o concepto de pH, onde puideron sintetizar esferificacións con alxinato de sodio.

ACTIVIDADE EXTRAESCOLAR PLANETARIO-CASA DAS CIENCIAS

Lun, 27/05/2024 - 08:18

Nesta primeira quincena de maio, o alumnado de 4ºESO e 1º BACH tivo a posibilidad de realizar unha visita á Casa das Ciencias, así como ao Planetario, onde puideron gozar dunha observación "simulada" do estado actual do noso ceo nesta etapa do ano.

Se ben é certo que a maioría do alumnado xa estivera algunha vez neste espazo en etapas anteriores educativas, a visita foi de gran interés xa que os contidos impartidos en física nestes niveis, permítelle ao alumando comprender de forma máis axeitada moitas das experiencias que levaron a cabo no museo, como as explicacións recibidas polo guía do planetario.

Vistia CITEEC 2ºESO

Mar, 16/05/2023 - 06:13

Os pasados días 8 e 10 de maio, o alumnado da 2º ESO tivo a posibilidade de visitar o Centro de Innovación Tecnolóxico da Universidade da Coruña (CITEEC).

Neste edificio atópanse laboratorios dotados cunha tecnoloxía punteira a nivel europeo e onde se realizan experimentos a pequena escala que garanten que as estruturas utilizadas posteriormente na construcción de pontes, portos, presas ou edificios cumpran con todas as garantías de seguridade.

Masterclass "Física de partículas coas mans"

Mar, 07/03/2023 - 12:46

Os alumnos de Física de 2º de bacharelato, Iago Mella, Candela Moreno e Nicolás Agüero, tiveron a oportunidade de asistir á masterclass do IGFAE “Física de Partículas coas mans”, celebrada o venres 3 de marzo.

A xornada comezou na Aula Magna da facultade de Matemáticas da USC ás 9:30 e rematou ás 17:00.

Durante esa xornada, o alumnado asistiu a varias charlas impartidas por especialistas en física de partículas, realizaron os seus propios experimentos e, posteriormente, debateron os resultados a través de videoconferencia con investigadores do CERN e outros estudantes de diferentes países.

Aproveitando a ocasión visitaron algunhas outras facultades da USC.

 Seguro que desfrutaron moito e aproveitaron ao máximo a experiencia!

EXERCICIOS DE REPASO

Mar, 26/11/2013 - 13:52

REACCIÓN QUÍMICA

Distribuir contido


by Dr. Radut