PREMIO ESPECIAL DE NARRATIVA NO FESTIVAL DE PARDIÑAS
Parabéns aos 14 alumnos e alumnas de1ESO que participaron no Certame de Narrativa Terra Chá que organiza "Xermolos" de Guitiriz. O xurado decidiu dar un premio especial ao alumnado do Miraflores pola recreación da viaxe a Outeiro de Rei e San Paio de Narla, e a presenza da obra de Manuel María que aparecía en cada un dos contos.
Neste XLI Certame de Creación infantil e xuvenil, presentáronse 720 traballos nas distintas especialidades. Os premios entregáronse o sábado 22 de agosto. Alfonso Blanco Torrado, coordinador de Xermolos, no seu discurso na entrega dos premios, resaltou o exemplo que deron os rapaces e rapazas durante o confinamento. Concordamos totalmente con el.
Os premios foron entregados pola alcaldesa de Guitiriz e por Mero, o autor da música do poema "O Carro". Na foto podedes ver a Inés e Noa con Mero quen manda unha aperta moi forte para todos os participantes e ánimos para seguir escribindo.
Estes son os contos:
Adri. Segredos das terras do Miño.
Breixo. A misteriosa desaparición do poema.
Claudia.Misha e as súas aventuras.
Fernando. A cova de Penas de Rodas.
Inés. A guerra na Fortaleza de San Paio de Narla.
Irene Rostro. Unha misteriosa tarde na provincia de Lugo.
Irene Sánchez. O rapaz que quizo descubrir o misterio das Penas.
Samu Franqueira. Excursión catastrófica.
