CAMPAÑA SOLIDARIA DE AXUDA AOS ANIMAIS DO REFUXIO GATOCÁN.

Os alumnos de Valores Éticos de 2º da ESO A e B, están a levar a cabo unha campaña solidaria de recollida de alimentos e outros obxectos que poidan resultar de utilidade para os cans e gatos sen fogar do refuxio Gatocán.
Para elo, estánse a levar a cabo varias accións:

1º. CAIXAS SOLIDARIAS. Os estudantes colocaron tres caixas no centro (unha ao carón da Biblioteca e outras dúas na entrada) que estarán ata o día 5 de xuño para que toda a comunidade educativa se involucre altruistamente e faga donacións na medida do posible. A protectora Gatocán indícanos que o que máis precisan é penso e latas de comida para cans e gatos. De todos xeitos, deixámosvos aquí unha lista de elementos que serían ben recibidos:

• Penso ou latas de comida, lambetadas.
• Correas, colares, camas, comedeiros, cepillos, ...
• Medicamentos (é fundamental que non estean caducados)
• Material hixiénico-sanitario: limpadores de oídos, desparasitadores internos e externos, algodón, gasas, betadine, alcol, auga osixenada, toallitas, luvas de látex, xiringas, esparadrapo, soro, tesoiras ...
• Produtos de limpeza: lixivia, limpadores de chan, lavalouzas, estropallos, baetas, fregonas,...

2º. MERCADO SOLIDARIO: Dos días 28 de maio ao 1 de xuño durante os recreos. Onde se venderán lambetadas, sudadeiras, libros, etc...cuxa recaudación será doada íntegramente a Gatocan.

3º. SORTEO DUN SMARTWATCH. Todo o alumnado pode participar nunha rifa para resultar gañador dun smartwatch. A obtención dun número na rifa pode conseguirse a partir de 1€.

Animamos a todos e todas a participar nesta acción solidaria e que axude para espertar conciencias sobre as nosas mascotas.

Grazas,
Nuria Bello.

Profesora de Inglés e Valores Éticos.