SAÚDE, TERRA E ESTRATOSFERA!!
CRÓNICA DO II CONGRESO NOSA: A VIAXE DA MARUMASAT II
Por Iria García e Sergio Puertas (Tecnoloxía, 3º ESO C)
O pasado 5 de febreiro, alumnado de Tecnoloxía de 3º, 4º ESO e 2º BAC, de Ciencias Aplicadas de 4º ESO e de Robótica de 1º BAC acudiron a un congreso científico organizado polo IES Marco do Camballón de Vila de Cruces sobre o lanzamento da MarumaSat II á estratosfera. Tamén participou alumnado do IES Maruxa Mallo de Ordes, xa que que os tres institutos formamos a NOSA: Axencia Espacial Escolar Galega.
O alumnado do Miraflores participamos con dúas ponencias:
- Pablo de Tecno de 2º BAC explicou como fabricar e programar un datalogger mediante o Arduíno.
- Martín de Tecno de 4º ESO, fixo unha exposición sobre a temperatura de funcionamento da cámara de video que viaxa nas cápsulas.
E tamén Xabier, David, Sergio, César, Conchi e Angel deron a coñecer os obxectivos do lanzamento da MarumaSat III previsto para o mes de maio: instalación de novos sensores para medir radiación UV e do envio de distintos experimentos biolóxicos como unhas fabas para analizar a influencia da radiación UV sobre o seu desenvolvemento ou un ovo de abella raíña, tras o éxito do experimento coa miñoca "Xosé" enviada o ano pasado.
Ademais tivemos a oportunidade de falar con dous participantes do primeiro MarumaSat e con Anxo Pérez, periodista da TVG.
Ao final do congreso estaba planificada unha saída para ver as mámoas de Oirós, pero debido ao mal tempo non puido realizarse, polo que tivemos unha charla sobre o megalitismo no propio auditorio.
Podes visitar o noso album de fotos.
