II Congreso NOSA

O próximo 5 de febreiro celebrarase no Auditorio Xosé Casal de Vila de Cruces o II Congreso NOSA "A viaxe da MarumaSat II", organizado polos departamentos de Matemáticas e Lingua Galega do IES Marco do Camballón, en colaboración cos de Matemáticas e Lingua Galega do IES Maruxa Mallo e os de Bioloxía e Tecnoloxía do IES Miraflores.

Nel presentaremos as actas do I Congreso e os resultados dos estudos realizados a partir do lanzamento da cápsula MarumaSat II. Tamén se darán a coñecer os obxectivos do próximo lanzamento, que se efecturará en maio ou xuño deste ano.

Por parte do noso instituto participa o alumnado das materias de Tecnoloxía de 3º e 4º da ESO, Ciencias Aplicadas de 4º da ESO, Robótica de 1º de Bacharelato e TICs e Tecnoloxía Industrial de 2º Bacharelato.

Pódese consultar o programa completo nesta ligazón.