Foodtruck. Crêpes dende Bretagne

O venres 31 de maio estivo no IES Miraflores unha foodtruck para facer crêpes co alumnado de francés de 1º, 3º, 4º ESO e 1º Bach. Chámase 'La Marinière' e da man de Jérémy Thomas, que chegou directamente de Lorient en Bretagne, o noso alumnado puido coñecer a orixe e a receita das crêpes.

Pero non só iso, tamén puideron desfrutar dunha actividade didáctica completa, primeiro simulando a conversa para comprar unha crêpe e facendo cada neno e nena a súa propia crêpe para despois degustalas, miam miam.