REPARTO DE FROITA FRESCA NO INSTITUTO

Desde o día de hoxe, mércores 16 de maio, e un día á semana ata que remate o curso, o alumnado do centro terá á súa disposición no segundo recreo, de maneira gratuíta, un vaso de froita fresca.

Con esta iniciativa, financiada pola ANPA do IES Miraflores e a empresa de servizo de comedor ASUETO, continuase co proxecto para fomentar o hábito saudable do consumo de froitas de tempada.

A falta de tempo e a preguiza para preparala fai que a rapazada substitúa o consumo de froitas por outros alimentos procesados e azucrados (barritas de cereais, chocolate, lambetadas...).

A oferta da froita preparada, visualmente apetecible e gratuíta, fai que o alumnado opte por probar e, tal vez, por substituír os alimentos que consome habitualmente por este máis saudable.