O pasado xoves 9 de xuño fíxenlle unha entrevista a Diana Rey Pardal, escritora de India y el descubrimiento de los minders.
Grazas a esa entrevista puiden saber máis sobre sobre o libro, con algúns datos interesantes dos que vos vou facer partícipes a continuación.
India y el descubrimiento de los minders é o seu primeiro libro e espera que desfrutemos moito da lectura; Diana vese identificada con todas as personaxes e ten trazos de todos eles, por exemplo, o sarcasmo de Violeta, aínda que distánciase do grande ego de Andrew.
Ela quería que a historia sucedese en Inglaterra, xa que estivo alí un verán, pero por que en Silvertown? O motivo é que ela tiña pensado outro lugar en Inglaterra, pero o que ela imaxinaba contrastaba moito co que sucede na realidade, entón decidiu poñerlle o nome dunha rúa de Nova York (Silver) e engadirlle -town: Silvertown, o curioso é que existe un distrito en Inglaterra que se chama así.
O libro está editado por Círculo Rojo, pero Diana en principio quería editalo en editoriais como Planeta, pero tiña que esperar dous anos a que lesen a súa historia, entón pensou noutras como Létrame, Azul editorial e Círculo Rojo, envioulles o manuscrito ás tres e, ao final, escolleu Círculo Rojo.
Normalmente non sabemos o tempo que leva editar un libro e tendemos a pensar que é longo. Diana afirma: “O tempo que leva editar un libro é o dobre se non sabes, e eu tiven que informarme moito”, aínda así o proceso de edición do seu libro foi curto, a corrección de manuscrito xa a tiña aos tres meses.
Ela escribirá unha segunda parte que ten pensado rematar de escribir a finais de ano e comezar co proceso de edición (e espera incluso publicar máis volumes).
Diana quere escribir noutros xéneros parte do fantástico, como o autobiográfico (por exemplo as autobiografías dos seus avós) e pensa en publicar algúns poemas que ten “gardados no caixón”.
Foi moi interesante coñecer de primeira man como é o proceso da autopublicar un libro.
Inés Fernández Romero
