Skip to Content

blogue deadmin

PEPE CARBALLUDE NO MIRAFLORES

Mér, 24/03/2021 - 06:52

FOLGA ESTUDANTIL FEMINISTA DO 8 DE MARZO PARA ALUMNADO DE 3º DA ESO EN ADIANTE.

Mar, 02/03/2021 - 15:15

Atendendo á convocatoria a nivel estatal dunha “Folga Estudantil Feminista”, do Sindicato de Estudantes (NIF G-78568334), para: “mostrar o rexeitamento á secuela da violencia machista, e solicitar unha materia de educación sexual inclusiva nos centros de estudo”, e ao amparo do artigo 8, parágrafo 2 da Lei 8/1985 onde indica: "Nos termos que establezan as Administracións educativas, as decisións colectivas que adopten os alumnos, a partir do terceiro curso da educación secundaria obrigatoria, con respecto á asistencia a clase non terán a consideración de faltas de conduta nin serán obxecto de sanción, cando estas fosen resultado do exercicio do dereito de reunión e sexan comunicadas previamente á dirección do centro"

A Xunta de delegados/as do IES Miraflores, reunida o 23 de febreiro de 2021, acordou secundar a convocatoria, e polo tanto, o alumnado de 3° e 4° da ESO e de Bacharelatoque desexe participar deberá, obrigatoriamente, facelo constar no documento adxunto, coa firma dos titores legais e facer entrega do mesmo ao titor/a hasta o venres 5 de marzo de 2021, que servirá de comunicación e xustificación das correspondentes faltas.

É unha convocatoria estudantil, non do profesorado. Impartirase clase con normalidade, sen prexuízo doutras convocatorias vixentes para estes.

O marco normativo vixente recolle e regula o dereito de inasistencia a clase do alumnado de 3º de ESO en adiante. O alumnado de 1º e 2º de ESO en todo caso debe acudir ao centro con normalidade.

O alumnado que secunde a folga non poderá facer uso do transporte escolar nin acudirá ó centro en ningún momento da xornada lectiva. En caso de facelo, deberá incorporarse ás clases con normalidade durante o resto da xornada, para o que deberá vir provisto do material de traballo adecuado.

As faltas do alumnado que non asista ao centro e fosen autorizadas polas familias constarán como faltas xustificadas.

NOVA PARADA EN O SEIXO

Xov, 18/02/2021 - 08:53

A Xefatura Territorial da Consellería de Educación ven de autorizar unha nova parada na liña de O Temple en O Seixo. Cargará ao alumnado transportado ás 7:55 e ás 15:55 aproximadamente na marquesiña da Rúa Curros Enríquez, entre a rúa Ramón Cabanillas e o Paseo Marítimo.

O servizo comezará o luns 22 de febreiro. O alumnado que desexe facer uso da parada deberá previamente comunícalo ao Centro por correo electrónico (ies.miraflores@edu.xunta.es).

CONVOCATORIA DE PROBAS DE ACCESO A CICLO MEDIO E A CICLO SUPERIOR.

Lun, 08/02/2021 - 08:04

PROBAS DE ACCESO A CICLO MEDIO:

http://www.edu.xunta.es/fp/acceso-grao-medio-convocatoria-actual

 As probas de acceso aos ciclos formativos de grao medio van dirixidas ás persoas que non cumpran os requisitos académicos de acceso a ciclos formativos de grao medio.

Para poder concorrer á proba é necesario ter cumpridos dezasete anos ou cumprilos no ano natural de celebración da proba.

A proba dará lugar a obtención dunha certificación na que constará a nota final lograda e a cualificación obtida en cada unha das partes que a compoñen. A certificación da superación da proba dará acceso a calquera ciclo formativo de grao medio, nas condicións de admisión que se establezan.

 

PROBAS DE ACCESO A CICLO SUPERIOR:

http://www.edu.xunta.es/fp/acceso-grao-superior-convocatoria-actual

 As probas de acceso aos ciclos formativos de grao superior van dirixidas ás persoas que teñan polo menos dezanove anos ou os fagan no ano de realización da proba e non cumpran os requisitos académicos de acceso a ciclos formativos de grao superior.

A proba dará lugar á obtención dunha certificación na que constará a nota final lograda e a cualificación obtida en cada unha das partes que a compoñen. No caso de superación da proba, a devandita certificación incluirá a relación de familias profesionais ás que se poderá acceder, nas condicións de admisión que se establezan.

 

CALENDARIO DAS PROBAS DE ACCESO:

http://www.edu.xunta.es/fp/webfm_send/9041

 

Para máis  información: http://www.edu.xunta.es/fp/probasou no Departamento de Orientación do centro.

SUBVENCIÓN CONCELLO DE OLEIROS

Xov, 07/01/2021 - 07:10

Segundo acordo adoptado pola Xunta de Goberno Local do Concello de Oleiros do día 27 de outubro de 2020, concédese unha subvención directa ao IES Miraflores de 9.540€ para actividades do Centro.

8 DE XANEIRO DÍA NON LECTIVO DE CENTRO

Xov, 07/01/2021 - 06:33

A Xefatura Territorial da Consellería de Educación, Universidade e Formación Profesional, concede como día non lectivo para o curso escolar 2020/2021, o:

-       VENRES 8 DE XANEIRO DE 2021.

AS CLASES COMENZAN O LUNS 11 DE XANEIRO.

PRABÉNS! O NOSO EXALUMNO JUAN MANUEL LORENZO NAVEIRO RECIBE O PREMIO EXCELENCIA ACADÉMICA DE GRAO.

Mar, 15/12/2020 - 12:14

O conselleiro de Cultura, Educación e Universidade, Román Rodríguez, e o reitor da Universidade de Santiago, Antonio López, entregaron hoxe un recoñecemento aos dous mellores expedientes do campus compostelán galardoados cos Premios de Excelencia Académica de Grao correspondentes ao curso 2018/19. Trátase de JUAN MANUEL LORENZO NAVEIRO (estudante de Matemáticas) e de María Allegue Criado (de Maxisterio en Educación Primaria), que estivo representada pola decana da Facultade de Educación por non poder asistir.

Durante o acto o conselleiro de Educación agradeceu o esforzo e compromiso do alumnado universitario que, como dixo, son “os mellores vectores de calidade das nosas universidades” e representan “a Galicia do futuro, do esforzo, do compromiso do traballo ben feito e a Galicia da vangarda e excelencia”.

Román Rodríguez recordou o compromiso da Xunta de Galicia coa excelencia a través destes premios, que van pola súa segunda edición e non existen en outras comunidades autónomas, cos que se pretende motivar o alumnado universitario para mellorar o seu currículo ao recoñecer a súa actitude de compromiso co seu proceso formativo e o seu mérito e esforzo no estudo. “Para nós, estimular o aproveitamento académico significa seguir apostando pola construción dun sistema universitario excelente, competitivo e de calidade”, engadiu.

PROBAS DELF 2020

Lun, 14/12/2020 - 16:12

Temos de novo o 100% de aprobados nos exames de Delf B1 de este ano 2020.

 

  • ASCÓN DEL CAMPO, Carolina
  • GARCIA ASTRAY, Lucía
  • GARCÍA MARTÍNEZ, Luis Fernando
  • LEIVAS ALFONSO, Inés
  • RODRIGUEZ AMADOR, Daniel
  • TOMÁS FERNÁNDEZ, Alexandra

Parabéns!

No departamento de francés estamos moi content@s, e tamén é unha alegría e un honor para  o noso instituto acadar sempre  o 100% de aprobados e con moi boas notas.

MOITA LETRA. 2020 -2021

Xov, 10/12/2020 - 03:43

HORARIOS DOS CLUBES DE LECTURA

1ESO, DIANA: ESCARLATINA, A COCIÑEIRA DEFUNTA

3ESO, M CARMO: Lit. xuvenil en portugués. “PONTE NH”

4ESO, SUSANA: MITOLOXÍA

4ESO, ISABEL: “LES TI, LEO EU” Libros preferidos d@s participantes.

4ESO, EMILIO: CLÁSICOS EN FRANCÉS

4ESO, ELENA: MULLERES de CIENCIA

1BAC, NILO: FILOSOFÍA.la sociedad de la transparencia e Flatland

2BAC, NILO: FILOSOFÍA. La sociedad del miedo e Andar, una filosofía

CLUB ADULTAS, CONCHA: NOVELA NEGRA HISTÓRICA

 

      Comezamos co club de lectura do presente curso. Despois da incerteza do comezo de curso, decidimos darlle continuidade a esta actividade tan interesante.

 En 1ESO van ler Escarlatina, a cociñeira defunta de Ledicia Costas. Lerán conxuntamente esta obra (uns capítulos todos xuntos e outros, na casa) para, despois, analizaren a historia, falaren de gastronomía e cociña e faceren xogos relacionados co libro. 

En 1ESO, 2ESO e 3ESO: continúan co Proxecto PONTE NH. Lectura libros xuvenís en portugués. 

En 4ESO teñen ofertados varios clubs:

Lecturas Mitolóxicas. Selecta das Metamorfose de OVIDIO. lectura conxunta de episodios que serán ilustrados pola profesora coa escolla de imaxes e vídeos e lectura da fonte directa. Elaboración dun traballo, de libre elección ( cómic, escena teatral, canción…) sobre o mito que prefira a alumna e que posiblemente será colgado no blog da Biblioteca

Les ti, leo eu. Lectura dunha obra da literatura contemporánea, xuvenil ou non, elixida por cada alumno/a participante. Deseño dun marcapáxinas alusivo á obra lida.

Voltando aos clásicos franceses. Trátase de aproveitar as adaptacións de novelas ou teatro dos inesquecibles autores franceses, cuxas obras tiveron un impacto e influencia na literatura universal. Tamén abordarán algún libro salientable dos filósofos e pensadores do “Siècle des Lumières”, que é un tema abordado no primeiro trimestre do presente curso.

Lectura de Mulleres de ciencia. Comentario dos logros de cada científica que aparece no libro, e busca en internet dalgunha cuestión relacionada co seu labor. Tamén visionado de Hipatia

1BAC Lecturas guiadas de filosofía.  Teñen dous grupos, un en español e outro en portugués. La sociedad de la transparencia e, en portugés, O mundo plano

2 BAC Lecturas guiadas de filosofía. Poden elixir entre La sociedad del miedo e Andar, una filosofía. Traballarán disertacións sobre o libro elixido.

Club de lectura de adultas. Novela negra histórica. Lerán Ladrones de tinta, La flecha amarilla, Los planificadores.

 

Distribuir contido


by Dr. Radut