Blogues do centro

Segundo a Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma e Galicia e se regula a avaliación nesa etapa educativa:  As alumnas e os alumnos conseguirán a promoción do primeiro ao segundo curso de bacharelato cando superen todas as materias cursadas ou teñan avaliación negativa en dúas materias como máximo. O alumnado que non supere algunha materia, logo da avaliación final ordinaria, coa finalidade de facilitar a súa recuperación, terá dereito a realizar unha proba extraordinaria entre o 19 e o 21 de xuño (segundo calendario elaborado dende Xefatura de estudos).

Entrega de boletíns da convocatoria ordinaria de 1º de Bacharelato:  O MARTES, 11 DE XUÑO, ÁS 12:10, as/os titoras/es dos grupos de 1º de bacharelato farán entrega nas respectivas aulas dos correspondentes boletíns.

Referencias legais do procedemento de reclamación das cualificacións e das decisións de promoción e titulación:

Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma e Galicia e se regula a avaliación nesa etapa educativa.

Revisión e reclamación das cualificacións no centro: Durante o mércores 12 e o xoves 13 de xuño, de 9:00 a 14:00 horas, o alumnado, de ser maior de idade, ou as súas persoas proxenitoras ou persoa que desempeñe a representación legal, de ser menor de idade, poderán solicitar ao profesorado a revisión das diversas probas e as aclaracións que consideren precisas (Modelo 1).

No suposto de que, tras as oportunas aclaracións, persista o desacordo con algunha cualificación final, a correspondente reclamación presentaranse por escrito no centro (Modelo 2) nese mesmo prazo (mércores 12 e xoves 13 de xuño, de 9:00 a 14:00 horas) e será tramitada por xefatura de estudos quen a trasladará ao correspondente departamento didáctico. Este emitirá un informe que recollerá, entre outros aspectos, a decisión adoptada de modificación ou ratificación da cualificación final obxecto de revisión. En todo caso, a reclamación formal abranguerá unicamente as cualificacións finais.

Notificación escrita por parte de Xefatura de estudos aos/ás interesados/as da decisión razoada de ratificación ou modificación da cualificación revisada por parte do departamento: Esta levarase a cabo o venres, 14 de xuño, a partir das 13:00 horas, na Xefatura de estudos do centro.

Reclamación ante Xefatura Territorial:  No caso de que, tras o procedemento de revisión no centro, persista o desacordo coa cualificación final, o alumnado, de ser maior de idade, ou as súas persoas proxenitoras ou persoa que desempeñe a súa representación legal, de ser menor de idade, poderán presentar por escrito á dirección do centro durante o luns 17 e o martes 18 de xuño, de 9:00 a 14:00, reclamación ante Xefatura Territorial (Modelo 3).

A dirección do centro remitirá o expediente á Xefatura territorial que adoptará a decisión pertinente, que será motivada en todo caso, e que se comunicará á dirección do centro para a súa aplicación e traslado á persoa interesada.

Contra a resolución da Xefatura Territorial, que esgota a vía administrativa, o interesado ou a interesada, as súas persoas proxenitoras ou os seus representantes legais, poderán interpor recurso contencioso-administrativo no prazo de dous meses contados a partir do día seguinte ao da súa notificación, conforme o disposto na Lei 29/1998, do 13 de xullo, reguladora da xurisdición contencioso-administrativa.

Período lectivo comprendido entre o 10 e o 21 de xuño: No primeiro curso de bacharelato, no período abranguido desde a realización da avaliación final ordinaria (10 de xuño) ata o remate do período lectivo (21 de xuño), terá prioridade a realización de actividades de apoio, reforzo e de recuperación para o alumnado con materias con partes sen superar e de preparación das probas extraordinarias.

Ademais, todo o alumnado matriculado en 1º Bach, independentemente de que teña aprobadas todas as materias ou non, ten o dereito e a obriga de asistir ás clases ata o 21 de xuño, día no que remata a actividade lectiva, e o profesorado, durante eses días, deberá seguir reflectindo as correspondentes faltas de asistencia e dándolle a debida atención educativa.

PUBLICACIÓN DAS CUALIFICACIÓNS DA CONVOCATORIA ORDINARIA

As cualificacións obtidas polo alumnado na convocatoria ordinaria da ABAU faranse públicas en NERTA o xoves, 13 de xuño, a partir das 20:00 horas.

O 20 de xuño faranse públicas as cualificacións definitivas despois da resolución das solicitudes de revisión (a partir das 20:00 horas).

TARXETAS DE CUALIFICACIÓN

O venres, 14 de xuño, o alumnado recibirá por correo electrónico a súa Tarxeta de Cualificación Provisional da ABAU asinada dixitalmente.

O venres, 21 de xuño, o alumnado recibirá por correo electrónico a súa Tarxeta de Cualificación Definitiva da ABAU asinada dixitalmente coa modificación da nota, no seu caso, despois do prazo de revisión das cualificacións.

REVISIÓN DAS CUALIFICACIÓNS

O alumnado ou titores/as legais poderán solicitar a revisión da cualificación obtida nun ou en varios exames no prazo de tres días contados a partir da data de publicación das cualificacións. Neste proceso de revisión as modificacións das cualificacións poder ser tanto á alza como á baixa.

1. O prazo de presentación destas solicitudes será de tres días hábiles, contados a partir da data de publicación das cualificacións: do 14 a 18 de xuño (ata as 14:00 horas).

2. As solicitudes de revisión poderanse facer a través da aplicación informática Nerta, empregando o seu código de acceso. O alumnado deberá gardar copia da súa solicitude en calidade de resgardo e xustificación da presentación desta.

3. No proceso de revisión procederase do seguinte xeito:

a) En primeiro lugar, analizarase se houbo algún erro material na corrección do exame da persoa interesada (sumas mal calculadas ou preguntas sen corrixir). No caso de existir algún erro material, modificarase a cualificación, tanto á alza como á baixa. A cualificación provisoria obtida (identificada como P) pasa a ser a nova cualificación despois de modificar segundo o erro material detectado. No caso de non haber erros materiais, mantense como cualificación provisoria a cualificación orixinal (identificada tamén como P).

b) Deseguido, realizarase unha segunda corrección por un novo corrector/a especialista distinto ao que efectuou a primeira corrección. Se esta segunda cualificación (identificada como S) ten unha diferenza menor de dous puntos, a cualificación definitiva será a media aritmética entre S e P, nomeadamente (S+P)/2.

c) No suposto de que existise unha diferenza de dous ou máis puntos entre ambas as cualificacións (P e S), un terceiro especialista distinto dos anteriores efectuará unha terceira corrección (identificada como T). Neste caso, a cualificación definitiva será a media aritmética das tres cualificacións, nomeadamente (P+S+T)/3.

Contra a resolución adoptada pola CIUG, que porá fin á vía administrativa, poderá interpoñerse recurso potestativo de reposición no prazo dun mes contado desde o día seguinte ao da publicación ante a propia CIUG. Neste caso non se poderá interpoñer o recurso contencioso-administrativo mentres non se dite resolución expresa do recurso potestativo de reposición ou se produza o acto presunto.

REVISIÓN DE EXAMES

O alumnado, ou titores legais, ten dereito a ver as probas revisadas unha vez finalizado o proceso de revisión (Art. 10.3 do RD 310/2016 de 29 de xullo). Para a consulta dos exames poderá facerse a solicitude o 21 e o 25 de xuño (ata as 14:00h) presentando o formulario correspondente nun LERD ou remitindo por correo electrónico ao LERD correspondente o formulario:

LERD 3. Campus de Elviña (A Coruña)

Pavillón de estudantes – Campus de A Coruña – 15071 A Coruña

Teléfonos:  881 011 964 / 881 011 192 / 881 011 190 / 881 011 961

Correo: lerdcoruna@udc.es

Os exames revisados poderanse ver o 27 de xuño no ás 10:00 horas no Edificio Fontán da Cidade da Cultura (sede da CIUG).

PUBLICACIÓN DAS CUALIFICACIÓNS

As cualificacións obtidas polo alumnado na convocatoria ordinaria da ABAU faranse públicas en NERTA o xoves, 15 de xuño, a partir das 20:00 horas.

O 22 de xuño faranse públicas as cualificacións definitivas despois da resolución das solicitudes de revisión (a partir das 20:00 horas).

TARXETAS DE CUALIFICACIÓN

O venres, 16 de xuño, o alumnado recibirá por correo electrónico a súa Tarxeta de Cualificación Provisional da ABAU asinada dixitalmente.

O venres, 23 de xuño, o alumnado recibirá por correo electrónico a súa Tarxeta de Cualificación Definitiva da ABAU asinada dixitalmente coa modificación da nota, no seu caso, despois do prazo de revisión das cualificacións.

REVISIÓN DAS CUALIFICACIÓNS

O alumnado ou titores/as legais poderán solicitar a revisión da cualificación obtida nun ou en varios exames no prazo de tres días contados a partir da data de publicación das cualificacións. Neste proceso de revisión as modificacións das cualificacións poder ser tanto á alza como á baixa.

1. O prazo de presentación destas solicitudes será de tres días hábiles, contados a partir da data de publicación das cualificacións: do 16 a 20 de xuño (ata as 14:00 horas).

2. As solicitudes de revisión poderanse facer a través da aplicación informática Nerta, empregando o seu código de acceso. O alumnado deberá gardar copia da súa solicitude en calidade de resgardo e xustificación da presentación desta.

3. No proceso de revisión procederase do seguinte xeito:

a) En primeiro lugar, analizarase se houbo algún erro material na corrección do exame da persoa interesada (sumas mal calculadas ou preguntas sen corrixir). No caso de existir algún erro material, modificarase a cualificación, tanto á alza como á baixa. A cualificación provisoria obtida (identificada como P) pasa a ser a nova cualificación despois de modificar segundo o erro material detectado. No caso de non haber erros materiais, mantense como cualificación provisoria a cualificación orixinal (identificada tamén como P).

b) Deseguido, realizarase unha segunda corrección por un novo corrector/a especialista distinto ao que efectuou a primeira corrección. Se esta segunda cualificación (identificada como S) ten unha diferenza menor de dous puntos, a cualificación definitiva será a media aritmética entre S e P, nomeadamente (S+P)/2.

c) No suposto de que existise unha diferenza de dous ou máis puntos entre ambas as cualificacións (P e S), un terceiro especialista distinto dos anteriores efectuará unha terceira corrección (identificada como T). Neste caso, a cualificación definitiva será a media aritmética das tres cualificacións, nomeadamente (P+S+T)/3.

Contra a resolución adoptada pola CIUG, que porá fin á vía administrativa, poderá interpoñerse recurso potestativo de reposición no prazo dun mes contado desde o día seguinte ao da publicación ante a propia CIUG. Neste caso non se poderá interpoñer o recurso contencioso-administrativo mentres non se dite resolución expresa do recurso potestativo de resolución ou se produza o acto presunto.

REVISIÓN DE EXAMES

O alumnado, ou titores legais, ten dereito a ver as probas revisadas unha vez finalizado o proceso de revisión (Art. 10.3 do RD 310/2016 de 29 de xullo). Para a consulta dos exames poderá facerse a solicitude o 23 e 26 de xuño (ata as 14:00h) presentando o formulario correspondente nun LERD ou remitindo por correo electrónico ao LERD correspondente o formulario:

LERD 3. Campus de Elviña (A Coruña)

Pavillón de estudantes – Campus de A Coruña – 15071 A Coruña

Teléfonos: 881 011 190 / 881 011 192 / 881 011 964

Correo: lerdcoruna@udc.es

Os exames revisados poderanse ver o 29 de xuño no ás 10:00 horas no Edificio Fontán da Cidade da Cultura (sede da CIUG).

ACHEGA, DE XEITO PRESENCIAL NO CENTRO DOCENTE, DA DOCUMENTACIÓN XUSTIFICATIVA DOS CRITERIOS DO BAREMO (DO 22 DE MARZO AO 4 DE ABRIL, AMBOS INCLUÍDOS) DE 9:00 A 14:00.

Ábrese o prazo para que as persoas interesadas presenten a documentación xustificativa dos criterios do baremo alegados para realizar á súa valoración e establecer unha orde de prelación.

NON DEBE PRESENTAR A DOCUMENTACIÓN, PORQUE O NÚMERO DE POSTOS ESCOLARES É SUFICIENTE, O ALUMNADO QUE SOLICITOU ADMISIÓN NOS SEGUINTES CURSOS:

O alumnado procedente dos centros adscritos (CEIP Juana de Vega e CEIP Plurilingüe da Rabadeira) que formalizaron en prazo a solicitude de reserva.

2º ESO

3º ESO

1º BACHARELATO

2º BACHARELATO

DEBE PRESENTAR A DOCUMENTACIÓN DO 22 DE MARZO AO 4 DE ABRIL (AMBOS INCLUSIVE) DE XEITO PRESENCIAL DE 9:00 A 14:00 HORAS NA SECRETARÍA DO CENTRO, PORQUE O NÚMERO DE POSTOS ESCOLARES OFERTADOS É INFERIOR AO NÚMERO DE SOLICITUDES DE ADMISIÓN, O ALUMNADO QUE SOLICITOU ADMISIÓN NOS SEGUINTES CURSOS:

1º ESO

4º ESO

NORMATIVA REGULADORA DO PROCEDEMENTO

– DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

– Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

– Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2023-2024.

–  Resolución do 23 de febreiro de 2023, da Dirección Xeral de Centros e Recursos Humanos, pola que se fai público o resultado do sorteo ao que fai referencia o artigo 34 da orde do 21 de outubro de 2022.

PUBLICACIÓN DAS LISTAXES PROVISIONAIS DE PERSOAS ADMITIDAS E NON ADMITIDAS: 25 DE ABRIL.

PUBLICACIÓN DAS LISTAXES DEFINITIVAS DE PERSOAS ADMITIDAS E NON ADMITIDAS: 15 DE MAIO.

O ALUMNADO ADMITIDO DEBERÁ FORMALIZAR A MATRÍCULA DO 27 DE XUÑO AO 10 DE XULLO CONFORME AO CALENDARIO QUE SE PUBLICARÁ PRÓXIMAMENTE.

ADMISIÓN ALUMNADO.

Rematado o procedemento de reserva de postos escolares para o alumnado procedente dos centros adscritos (CEIP Juana de Vega e CEIP Plurilingüe da Rabadeira), informamos que os postos dispoñibles en 1º ESO no IES Miraflores para o curso escolar 2023-2024 son suficientes para atender todas as solicitudes presentadas en prazo.

De conformidade co establecido no artigo 45.1.b) da Lei 39/2015, do 1 de outubro, reguladora do procedemento administrativo común das administracións públicas, estará exposto no taboleiro de anuncios dos centros adscritos e de adscrición a listaxe definitiva do alumnado con posto reservado.

FORMALIZACIÓN DA MATRÍCULA NO IES MIRAFLORES.

O prazo para formalizar a matrícula será publicada nesta páxina web (a previsión é que sexa a partir do 23 de xuño de 2023).