blogue deadmin

O martes, 15 de maio todo o alumnado de 1ºESO desprazouse ata ás Torres de Santa cruz para asistir a un espectáculo sobre Mª Victoria Moreno. Tratouse da versión que creou Caxoto sobre o libro Mar adiante. Nel Mº Victoria propón un modelo de escola alternativo, a escola do Arroás, un barco no que o alumnado non só estuda, senón que deixa voar a súa imaxinación e vive experiencias inolvidables. Caxoto fíxonos navegar como se estivésemos cos protagonistas.

Queremos agradecerlle a Caxoto que respondese ás preguntas do noso alumnado ao finalizar a función.

O 7 de maio, alumnado de 3º de Tecnoloxía, de 4º de Tecnoloxía e Ciencias Aplicadas, de Robótica de 1º de Bacharelato e as 3 alumnas do noso centro gañadoras do I Premio de Poesía Estratosférica desprazáronse ata Ordes, para participar, xunto co alumnado do IES Maruxa Mallo de Ordes, IES Marco do Camballón de Vila de Cruces e IES Xelmirez II de Santiago, no lanzamento da terceira  sonda estratosférica da NOSA, a MarumaSat III. 

Se queres saber máis clica no seguinte  enlace

Tamén podes seguirnos nas redes sociais twitter e instagram

O día 25 de abril, os alumnos de 1º ESO participaron na celebración do Día da Educación Física na Rúa, que este ano contou coa participación de 47 centros escolares e 6.530 alumnos de Galicia.

Este é o resumo da actividade elaborado por Laura Ruzo (1º ESO-A) e Rubén Otero (1º ESO-B):

O día 25 de abril de 2018, o Departamento de Educación Física do IES Miraflores, xunto cos alumnos de 1º ESO do centro, realizaron unha saída ao parque José Martí de Sta. Cristina, xunto cos outros dous institutos do concello de Oleiros, o IES María Casares e o IES Xosé Neira Vilas.

Nesta saída realizáronse diferentes actividades: rugby, voleibol, hockey, saltos coa corda, petanca, brilé, ultimate, ... Estas actividades íanse realizando con diferentes persoas, 5 ou 6 de cada instituto, e ao mesmo tempo que aprendías como xogar, coñecías xente nova doutros centros.

Estivemos nun intervalo de 15 minutos en cada actividade, pero ocupounos toda a mañá. Ao final tivemos un pequeno descanso para repoñer forzas. Cando marchamos o autobús deixounos preto do CEIP Rabadeira e tivemos que ir andando ata o instituto. Neste tramo cada un ía falando da súa experiencia na excursión (que todos dicían que o pasaran moi ben e quedaron con ganas de repetir). Foi unha excursión moi activa e entretida.

Do 14 ao 21 de abril catro estudantes de 3º da ESO (María Gómez, Celtia Río, Antía Rodríguez e Pedro Vila) e dúas profesoras do Departamento de Inglés (Nuria Bello e Lucía Cociña) estiveron en Limassol, cidade situada ao sur de Chipre, como parte do programa Erasmus +.

Durante a semana os nosos estudantes realizaron unha grande variedade de actividades organizadas polo centro educativo L.I.T.C e acompañados por alumnado procedente de Italia, Hungría, Portugal e Chipre. Visitaron diferentes lugares, por exemplo as ruinas de Kourion, distintas fábricas de elaboración de aceite de oliva, de marmeladas de froita e de queixo típico da illa chamado Halloumi, e as vilas de Arsos e Omodos. Na primeira viron o proceso de fabricación de doces tradicionais chipriotas de zume de uva e froitos secos chamados shoushouko e na segunda fomos a unha bodega de viño nas montañas. Tamén fixemos sendeirismo pola ruta Kalidonia e vimos unha fervenza impresionante.

Ademais de turismo gastronómico e histórico-cultural, os nosos estudantes practicaron a destreza oral da lingua inglesa e fixeron unha presentación para dar a coñecer Oleiros ao resto de alumnado e profesorado. Todos nos felicitaron polo traballo realizado así que voltamos a Galicia moi ledos e con moitas anécdotas que contar. Sen dúbida ningunha, foi unha experiencia intercultural inesquecible chea de momentos de risas e emocións.