Skip to Content

Blogues do centro

FALANDO A BOCA CHEA

Ven, 12/04/2019 - 04:57

 

 

O xoves 11 de abril ás 12h  o alumnado de 3 ESO, 4ESO e 1 BACH puido disfrutar dun monólogo de Cándido Pazó no Auditorio Gabriel García Márquez de Mera. A actividade formaba parte do Festival de Narración Oral “Falando a boca chea” que organiza o Equipo de Normalización Lingüística do Concello de Oleiros.

Dende o Equipo de Dinamización Lingüística  do IES MIraflores estamos encantados de  que se nos oferten este tipo de actividades a prol da nosa lingua e cultura, pois o alumnado do Miraflores gozou ao máximo deste fantástico escritor,guionista e actor vigués...que tan ben sabe falar a boca chea...!

INTERCAMBIO BAYONNE.

Xov, 04/04/2019 - 06:20

 

 

Entre o 22 e o 29 de marzo pasado 26 rapaces e dous profesores do IES Miraflores fixeron unha estadía en Bayonne (Francia) no marco do intercambio co Lycée René Cassin que se está a desenvolver durante este curso. Os nosos alumnos estiveron aloxados nas familias de acollida dos seus homólogos franceses cos que están en contacto dende xaneiro.

O programa en Francia incluiu a visita de Burdeos, Bayonne, Saint-Jean-de-Luz, Biarritz así como unha xornada no centro de ensino francés.

En vindeiras datas, do 6 ao 13 de abril, terá lugar a estadía en Oleiros dos alumnos franceses.

Trátase dunha actividade de inmersión lingüística no estranxeiro pero non hai dúbida de que vai moito máis alá do ámbito lingüístico, xa que entendemos que acada plenamente unha dimensión de experiencia humana e cultural moi enriquecedora para os nosos alumnos polo feito de ter que convivir cunha familia estranxeira, adaptándose ao seu ritmo de vida, ás súas comidas e ás dúas costumes cotiás.

Máis información no Blog des Étoiles do Departamento de Francés

MINISTAY EN HASTINGS PARA 1º DE BACHARELATO

Mar, 02/04/2019 - 13:10

 

Entre os días días 21 e 27 marzo un pequeno grupo de estudantes de 1º de Bacharelato participaron nun Ministay na cidade de Hastings (sur de Inglaterra)  onde conviviron cunha familia local inglesa e participaron en multitude de actividades.

Todos os días pola mañá,  asistían tres horas a clases de conversa sobre distintos temas de actualidade ou da propia localidade de Hastings. Pola tarde había distintas actividades como saír á rúa e obter diversa información dos transeúntes ou representar a batalla sucedida  alí no século  XI.

Ademais houbo duas saídas en tren para coñecer outras cidades de intersese: un día a Londres e outro a  Brighton, o que os deixou a todos con desexos de volver. Resultou unha experiencia marabillosa!

 

RESULTADOS III CARRERA DE LA LUZ

Lun, 01/04/2019 - 06:42

Pincha aquí para ver os resultados. Parabéns a todos por colaborar!

 

ADMISIÓN 2019-2020. DOCUMENTACIÓN XUSTIFICATIVA

Ven, 22/03/2019 - 06:00

COMUNICAMOS QUE NO PROCESO DE ADMISIÓN DE ALUMNADO PARA O VINDEIRO CURSO 2019/2020 HAI MENOS SOLICITUDES QUE PRAZAS VACANTES OFERTADAS EN TODOS OS CURSOS, POLO QUE NON É NECESARIO ACHEGAR DOCUMENTACIÓN XUSTIFICATIVA DOS CONCEPTOS ALEGADOS COMO SE INDICA NO ARTIGO 17 DA ORDE DO 12 DE MARZO DO 2013.

 

PLANTADA DE ESPANTALLOS NO IES MIRAFLORES

Ven, 01/03/2019 - 09:14

 

 

 Os alumnos de plástica de 3º e 4º ESO participaron no Concurso de Espantallos de Entroido organizado por este departamento. O obxecto desta convocatoria era celebrar a tradicional festa do Entroido, caracterizada polo disfrace,  e ao mesmo tempo, por en valor estes elementos da nosa cultura tan habituais nos campos e hortas e serven de vehículo para a creción artística.

O alumnado “plantou” os seus espantallos temáticos na primeira planta, animando os corredores e estancias durante toda este semana.

Os espantallos gañadores (escollidos polo alumnado de 1ºESO) permanecerán expostos ata a semana que vén na entrada do instituto.

VISITA AO PLANETARIO, CASA DAS CIENCIAS E MUNCYT 4º ESO

Ven, 01/03/2019 - 08:17

O mércores 27 de febreiro o alumnado da materia de Cultura científica de 4º ESO realizou unha visita ao planetario da Casa das Ciencias e ao Muncyt.

No planetario participaron nunha sesión sobre o ceo nocturno do día 21 de marzo (equinoccio de primavera) nas nosas latitudes para aprender que constelacións son visibles no ceo nocturno durante esa época do ano, que planetas poden ser observados sen necesidade de telescopios e que posición ocupa o Sol e a Lúa no ceo durante o equinoccio de primavera.

No Muncyt (Museo Nacional de Ciencia e Tecnoloxía) participaron en grupos nunha actividade denominada “desafío Muncyt” onde tiveron que facer o papel de “detectives” para descubrir mediante unha serie de pistas distintos obxectos, aparatos e inventos expostos neste museo e a súas aplicacións pola humanidade ao longo da historia.

Os participantes estiveron moi interesados nas dúas visitas e cun comportamento excelente. Parabéns a todos eles!

CHARLA- COLOQUIO ANDREA MACEIRAS CON 3º E 4º ESO

Ven, 01/03/2019 - 08:03

 

O martes  26 de febreiro, o alumnado de 3 e 4 ESO puido charlar coa escritora coruñesa Andrea Maceiras sobre os seus libros Europa Express e O que sei do silencio

Un ano máis quedaron enfeitizados coas súas historias e puideron preguntarlle sobre os aspectos máis destacados das súas obras.

A actividade estaba organizada polo departamento de Lingua Galega e o Equipo de Dinamización Lingüística.

CERTAME LITERARIO DESCUBRINDO OLEIROS

Lun, 25/02/2019 - 13:16

A alumna de 4 ESO B  do IES MIraflores Celtia Río Santos foi unha das finalistas do certame literario "Descubrindo Oleiros" organizado polo Concello de Oleiros. Parabéns!

MANOLO RIVAS NO IES MIRAFLORES

Lun, 25/02/2019 - 11:07

 

O pasado xoves 21 de febreiro o alumnado de 1 BACH tivo o grande privilexio de poder conversar co escritor coruñés Manuel Rivas e sobre o libro  que leron en Literatura Galega no segundo trimestre As voces baixas.

Unha novela da vida.Unha amalgama de historias...As voces dos nenos,das mulles que falan soas,dos emigrantes,dos mosrtos,dos animais... As voces dos que non queren dominar e se nutren de palabras e contos.

Unha obra intimista,tenra e singular,na que o autor vai desgranando lembranzas da súa infancia e adolescencia. Unha mirada íntima e poética chea de humor e dor dos seus primeiros case vinte anos de vida, coa familia nese mar de fondo e onde está presente a súa irmá maior, María...

O alumnado puido comprobar a sensibilidade  e xenerosidade do autor ao contar historias e compartir as súas vivencias...

Ao final da charla asinou exemplares e demostrou que ata neses detalles é un escritor preocupado polos seus lectores...As súas adicatorias son unha verdadeira xoia para gardar nos andeis da memoria...

 

Distribuir contido


by Dr. Radut