IES Miraflores

ENTREGA DE BOLETÍNS COAS CUALIFICACIÓNS FINAIS: O mércores, 26 de xuño, ás 11:00, as/os titoras/es de cada grupo farán entrega dos correspondentes boletíns nas respectivas aulas.

Referencias legais do procedemento de reclamación das cualificacións e das decisións de promoción e titulación:

- Orde do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma e Galicia e se regula a avaliación nesa etapa educativa.

- Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma e Galicia e se regula a avaliación nesa etapa educativa.

Revisión e reclamación das cualificacións no centro: Durante o xoves 27 e o venres 28 de xuño, de 9:00 a 14:00 horas, o alumnado, de ser maior de idade, ou a súa nai, pai ou persoas titoras legais poderán solicitar ao profesorado a revisión das diversas probas e as aclaracións que consideren precisas (Modelo 1).

No suposto de que, tras as oportunas aclaracións, persista o desacordo coa cualificación final obtida nunha materia ou coa decisión de promoción ou titulación adoptada para un/ha alumna, poderán solicitar por escrito no centro (Modelo 2) nese mesmo prazo (xoves, 27 e venres, 28 de xuño, de 9:00 a 14:00 horas) a revisión da devandita cualificación ou decisión por parte do correspondente departamento didáctico ou equipo docente. Este emitirá un informe que recollerá, entre outros aspectos, a decisión adoptada de modificación ou ratificación da cualificación final ou decisión obxecto de revisión.

Notificación escrita por parte de Dirección aos/ás interesados/as da decisión razoada de ratificación ou modificación da cualificación final ou da decisión de promoción/titulación: Luns, 1 de xullo, a partir das 18:00 horas, na Dirección do centro.

Reclamación ante Xefatura Territorial:  No caso de que, tras o procedemento de revisión no centro, persista o desacordo coa cualificación final dunha materia ou coa decisión sobre a promoción ou titulación, o alumnado, de ser maior de idade, ou a súa nai, pai ou persoas titoras legais poderán presentar por escrito á dirección do centro durante o martes 2 e o mércores 3 de xullo, de 9:00 a 14:00, reclamación ante Xefatura Territorial (Modelo 3).

A dirección do centro remitirá o expediente á Xefatura territorial que adoptará a decisión pertinente, que será motivada en todo caso, e que se comunicará á dirección do centro para a súa aplicación e traslado á persoa interesada.

Contra a resolución da Xefatura Territorial, que esgota a vía administrativa, o interesado ou a interesada, as súas persoas proxenitoras ou os seus representantes legais, poderán interpor recurso contencioso-administrativo no prazo de dous meses contados a partir do día seguinte ao da súa notificación, conforme o disposto na Lei 29/1998, do 13 de xullo, reguladora da xurisdición contencioso-administrativa.

1.- ENTREGA DE BOLETÍNS DE CUALIFICACIÓNS:

CUALIFICACIÓNS FINAIS DA ESO E EXTRAORDINARIA DE 1º BACHARELATO: MÉRCORES 26 DE XUÑO, ÁS 11:00, NAS AULAS DE GRUPO.

2.- ENTREGA DE SOBRES DE MATRÍCULA:

AO ALUMNADO DA ESO, ACTUALMENTE MATRICULADO NO CENTRO, FARÁSELLE ENTREGA DO CORRESPONDENTE SOBRE DE MATRÍCULA, XUNTO CO BOLETÍN DE CUALIFICACIÓNS FINAIS, O MÉRCORES 26 DE XUÑO ÁS 11:00.

O RESTO DE ALUMNADO PODERÁ DESCARGAR DA WEB OU RECOLLER NA CONSERXERÍA DO CENTRO OS DOCUMENTOS DE MATRÍCULA DENDE O VENRES 21 DE XUÑO.

3.- FORMALIZACIÓN DE MATRÍCULA PARA O CURSO 2024-2025:

A DOCUMENTACIÓN PRESENTARASE NA SECRETARÍA DO CENTRO NAS HORAS DO DÍA SINALADO PARA CADA NIVEL E PARA CADA LETRA DO APELIDO. DE SER POSIBLE, PARA EVITAR AGLOMERACIÓNS, DEBEN TRATAR DE NON PRESENTARSE Á ÚLTIMA HORA DA MAÑÁ. OS IRMÁNS QUE SE MATRICULEN NO CENTRO, AÍNDA QUE SEXAN DE DISTINTOS NIVEIS, PODERÁN FORMALIZAR A MATRÍCULA CONXUNTAMENTE NA DATA NA QUE SEXA CITADO/A O/A PRIMEIRO/A DELES/AS.

DEBERÁN ACHEGAR A SEGUINTE DOCUMENTACIÓN:

1.- IMPRESO DE MATRÍCULA CUBERTO CON LETRA CLARA E ASINADO (INCLUÍDA A AUTORIZACIÓN DO TRATAMENTO DA IMAXE).

2.- 1 FOTOGRAFÍA ACTUAL RECORTADA (aproximadamente 2.5cm X 3cm.) CON NOME,  APELIDOS E NIVEL ESCRITOS NO DORSO.

3.- IMPRESO DAS PERSOAS AUTORIZADAS PARA RECOLLER AO ALUMNO/A NO CENTRO ASINADO POLOS PROXENITORES/AS TITORES/AS LEGAIS. DEBE CUMPRIMENTALO TODO O ALUMNADO.

4.- OUTROS DOCUMENTOS, SEGUNDO O CASO:

ALUMNADO NOVO NO CENTRO:

- COPIA DNI. OS MENORES DE 14 ANOS QUE NON O TEÑAN DEBERÁN TRAER FOTOCOPIA DO LIBRO DE FAMILIA. EN CASO DE NON TER NACIONALIDADE ESPAÑOLA, DEBERÁN APORTAR A FOTOCOPIA DO NIE.

- CERTIFICACIÓN ACADÉMICA OU COPIA DO BOLETÍN DE NOTAS DO CURSO 2023/2024.

ALUMNADO DE 1º E 2º DA ESO:

- COPIA DNI SE NON SE ENTREGOU CON ANTERIORIDADE.

- COPIA DA TARXETA SANITARIA.

ALUMNADO DOUTROS NIVEIS (3º E 4º DA ESO, 1º E 2º DE BACHARELATO):

- COPIA DNI SE NON SE ENTREGOU CON ANTERIORIDADE.

- RESGARDO DE PAGAMENTO DE 1,12€ DO SEGURO ESCOLAR NA CONTA DO IES MIRAFLORES.

ABANCA:   ES95 2080 0064 9931 1000 0236 (CONCEPTO: NOME DO/A ALUMNO/A)

PARA TODO O ALUMNADO, DE SER O CASO:

- EN CASO DE SEPARACIÓN OU DIVORCIO, DEBERÁN ACHEGAR A SENTENZA XUDICIAL E/OU CONVENIO REGULADOR ONDE CONSTE A ATRIBUCIÓN DA CUSTODIA DO/DA MENOR OU PRIVACIÓN DA PATRIA POSTESTADE POR PARTE DALGÚN PROXENITOR.

- IMPRESO DE SOLICITUDE / RENOVACIÓN DE TAQUILLA.

- IMPRESO CUBERTO DAS ENFERMIDADES DE URXENCIA VITAL (DEBERÁ APORTAR INFORME MÉDICO ACTUALIZADO).

- IMPRESO DE SOLICITUDE DE USO DO TRANSPORTE ESCOLAR (SEGÚN CORRESPONDA):

- MODELO ALUMNADO DA ESO CON DOMICILIO NA ÁREA DE INFLUENCIA DO CENTRO.

- MODELO ALUMNADO DA ESO CON DOMICILIO FÓRA DA ÁREA DE INFLUENCIA DO CENTRO (EXCEPCIONAL).

- MODELO ALUMNADO DE BACHARELATO (EXCEPCIONAL).

XESTIÓN TELEMÁTICA. NON É PRECISO PRESENTAR NO CENTRO:

- SOLICITUDE ALTA NA ANPA (CONTACTO: anpa@iesmiraflores.gal)

https://forms.gle/RLqDndZ5yAVjNT9z5

- SOLICITUDE ALTA NO COMEDOR ESCOLAR (CONTACTO: 637 544 367)

https://forms.gle/93KuLVwuLigwQmTL6

NON SE RECOLLERÁ DOCUMENTACIÓN INCOMPLETA

Segundo a Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma e Galicia e se regula a avaliación nesa etapa educativa:  As alumnas e os alumnos conseguirán a promoción do primeiro ao segundo curso de bacharelato cando superen todas as materias cursadas ou teñan avaliación negativa en dúas materias como máximo. O alumnado que non supere algunha materia, logo da avaliación final ordinaria, coa finalidade de facilitar a súa recuperación, terá dereito a realizar unha proba extraordinaria entre o 19 e o 21 de xuño (segundo calendario elaborado dende Xefatura de estudos).

Entrega de boletíns da convocatoria ordinaria de 1º de Bacharelato:  O MARTES, 11 DE XUÑO, ÁS 12:10, as/os titoras/es dos grupos de 1º de bacharelato farán entrega nas respectivas aulas dos correspondentes boletíns.

Referencias legais do procedemento de reclamación das cualificacións e das decisións de promoción e titulación:

Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma e Galicia e se regula a avaliación nesa etapa educativa.

Revisión e reclamación das cualificacións no centro: Durante o mércores 12 e o xoves 13 de xuño, de 9:00 a 14:00 horas, o alumnado, de ser maior de idade, ou as súas persoas proxenitoras ou persoa que desempeñe a representación legal, de ser menor de idade, poderán solicitar ao profesorado a revisión das diversas probas e as aclaracións que consideren precisas (Modelo 1).

No suposto de que, tras as oportunas aclaracións, persista o desacordo con algunha cualificación final, a correspondente reclamación presentaranse por escrito no centro (Modelo 2) nese mesmo prazo (mércores 12 e xoves 13 de xuño, de 9:00 a 14:00 horas) e será tramitada por xefatura de estudos quen a trasladará ao correspondente departamento didáctico. Este emitirá un informe que recollerá, entre outros aspectos, a decisión adoptada de modificación ou ratificación da cualificación final obxecto de revisión. En todo caso, a reclamación formal abranguerá unicamente as cualificacións finais.

Notificación escrita por parte de Xefatura de estudos aos/ás interesados/as da decisión razoada de ratificación ou modificación da cualificación revisada por parte do departamento: Esta levarase a cabo o venres, 14 de xuño, a partir das 13:00 horas, na Xefatura de estudos do centro.

Reclamación ante Xefatura Territorial:  No caso de que, tras o procedemento de revisión no centro, persista o desacordo coa cualificación final, o alumnado, de ser maior de idade, ou as súas persoas proxenitoras ou persoa que desempeñe a súa representación legal, de ser menor de idade, poderán presentar por escrito á dirección do centro durante o luns 17 e o martes 18 de xuño, de 9:00 a 14:00, reclamación ante Xefatura Territorial (Modelo 3).

A dirección do centro remitirá o expediente á Xefatura territorial que adoptará a decisión pertinente, que será motivada en todo caso, e que se comunicará á dirección do centro para a súa aplicación e traslado á persoa interesada.

Contra a resolución da Xefatura Territorial, que esgota a vía administrativa, o interesado ou a interesada, as súas persoas proxenitoras ou os seus representantes legais, poderán interpor recurso contencioso-administrativo no prazo de dous meses contados a partir do día seguinte ao da súa notificación, conforme o disposto na Lei 29/1998, do 13 de xullo, reguladora da xurisdición contencioso-administrativa.

Período lectivo comprendido entre o 10 e o 21 de xuño: No primeiro curso de bacharelato, no período abranguido desde a realización da avaliación final ordinaria (10 de xuño) ata o remate do período lectivo (21 de xuño), terá prioridade a realización de actividades de apoio, reforzo e de recuperación para o alumnado con materias con partes sen superar e de preparación das probas extraordinarias.

Ademais, todo o alumnado matriculado en 1º Bach, independentemente de que teña aprobadas todas as materias ou non, ten o dereito e a obriga de asistir ás clases ata o 21 de xuño, día no que remata a actividade lectiva, e o profesorado, durante eses días, deberá seguir reflectindo as correspondentes faltas de asistencia e dándolle a debida atención educativa.

PUBLICACIÓN DAS CUALIFICACIÓNS DA CONVOCATORIA ORDINARIA

As cualificacións obtidas polo alumnado na convocatoria ordinaria da ABAU faranse públicas en NERTA o xoves, 13 de xuño, a partir das 20:00 horas.

O 20 de xuño faranse públicas as cualificacións definitivas despois da resolución das solicitudes de revisión (a partir das 20:00 horas).

TARXETAS DE CUALIFICACIÓN

O venres, 14 de xuño, o alumnado recibirá por correo electrónico a súa Tarxeta de Cualificación Provisional da ABAU asinada dixitalmente.

O venres, 21 de xuño, o alumnado recibirá por correo electrónico a súa Tarxeta de Cualificación Definitiva da ABAU asinada dixitalmente coa modificación da nota, no seu caso, despois do prazo de revisión das cualificacións.

REVISIÓN DAS CUALIFICACIÓNS

O alumnado ou titores/as legais poderán solicitar a revisión da cualificación obtida nun ou en varios exames no prazo de tres días contados a partir da data de publicación das cualificacións. Neste proceso de revisión as modificacións das cualificacións poder ser tanto á alza como á baixa.

1. O prazo de presentación destas solicitudes será de tres días hábiles, contados a partir da data de publicación das cualificacións: do 14 a 18 de xuño (ata as 14:00 horas).

2. As solicitudes de revisión poderanse facer a través da aplicación informática Nerta, empregando o seu código de acceso. O alumnado deberá gardar copia da súa solicitude en calidade de resgardo e xustificación da presentación desta.

3. No proceso de revisión procederase do seguinte xeito:

a) En primeiro lugar, analizarase se houbo algún erro material na corrección do exame da persoa interesada (sumas mal calculadas ou preguntas sen corrixir). No caso de existir algún erro material, modificarase a cualificación, tanto á alza como á baixa. A cualificación provisoria obtida (identificada como P) pasa a ser a nova cualificación despois de modificar segundo o erro material detectado. No caso de non haber erros materiais, mantense como cualificación provisoria a cualificación orixinal (identificada tamén como P).

b) Deseguido, realizarase unha segunda corrección por un novo corrector/a especialista distinto ao que efectuou a primeira corrección. Se esta segunda cualificación (identificada como S) ten unha diferenza menor de dous puntos, a cualificación definitiva será a media aritmética entre S e P, nomeadamente (S+P)/2.

c) No suposto de que existise unha diferenza de dous ou máis puntos entre ambas as cualificacións (P e S), un terceiro especialista distinto dos anteriores efectuará unha terceira corrección (identificada como T). Neste caso, a cualificación definitiva será a media aritmética das tres cualificacións, nomeadamente (P+S+T)/3.

Contra a resolución adoptada pola CIUG, que porá fin á vía administrativa, poderá interpoñerse recurso potestativo de reposición no prazo dun mes contado desde o día seguinte ao da publicación ante a propia CIUG. Neste caso non se poderá interpoñer o recurso contencioso-administrativo mentres non se dite resolución expresa do recurso potestativo de reposición ou se produza o acto presunto.

REVISIÓN DE EXAMES

O alumnado, ou titores legais, ten dereito a ver as probas revisadas unha vez finalizado o proceso de revisión (Art. 10.3 do RD 310/2016 de 29 de xullo). Para a consulta dos exames poderá facerse a solicitude o 21 e o 25 de xuño (ata as 14:00h) presentando o formulario correspondente nun LERD ou remitindo por correo electrónico ao LERD correspondente o formulario:

LERD 3. Campus de Elviña (A Coruña)

Pavillón de estudantes – Campus de A Coruña – 15071 A Coruña

Teléfonos:  881 011 964 / 881 011 192 / 881 011 190 / 881 011 961

Correo: lerdcoruna@udc.es

Os exames revisados poderanse ver o 27 de xuño no ás 10:00 horas no Edificio Fontán da Cidade da Cultura (sede da CIUG).