VII Semana das Matemáticas: concursos de esopías e fotografía

Por sétimo ano consecutivo, o Departamento de Matemáticas está a organizar a "Semana das Matemáticas". Como tod@s sabedes, dende o ano 2000 celébrase en España o 12 de maio como o Día Escolar das Matemáticas. Por este motivo, no IES Mestre Landín, farémolas protagonistas durante a semana do 11 ao 15 de maio, na que se desenvolverán actividades organizadas polo propio departamento, pero tamén por outros departamentos do Centro. Dentro destas actividades haberá unha exposición de fotografía matemática e outra de esopías. É por iso que convocamos agora os seguintes concursos:

- Concurso de fotografía matemática titulado "Xeometría alimentaria", en colaboración co Departamento de Educación Plástica e no que poderá participar todo o alumnado do Centro.

- Concurso de "Esopías", en colaboración cos Departamentos de Francés, Inglés, Lingua Castelá e Lingua Galega; no que poderá participar toda a comunidade educativa do Centro.

Clicade na imaxe para acceder a toda a información.

____