Unha primavera máis, o alumnado de Bioloxía de 1º ESO sae ao patio a facer traballos de mellora da contorna, coa finalidade de sensibilizarse co seu coidado, coñecer certo tipo de flora e participar no traballo conxunto que grazas á Fundación Emalcsa comezamos este ano co alumnado do CEE María Mariño e que está relacionado cos enxertos de froiteiras comúns na nosa zona.
Estes traballos están sufragados, ademais de por Emalcsa, por Voz Natura, polo Club de Ciencia do Centro, pola Concellería de Servizos Sociais de A Coruña e polo propio instituto.