Recepción no concello

O alcalde, Xulio Ferreiro, e a concelleira de Xustiza Social e Coidados, Silvia Cameán, recibiron esta mañá no Pazo de María Pita a estudantes de intercambio do centro de ensino Gymnasium Meiendorf de Hamburgo e do IES Menéndez Pidal.
O rexedor fixo fincapé na relevacia que teñen na formación dos rapaces e das rapazas as oportunidades de coñecer novas culturas e realidades, así como a práctica de idiomas. Por iso, dixo, o Goberno local mantén a súa aposta por programas de intercambio como Junior Year ou Idiomas do mundo.