Punto Laranxa contra o acoso escolar
Inicio » Blogues

blogue deZalaeta

VIAXE CULTURAL A PARÍS

Enviado por Zalaeta o Mar, 14/05/2024 - 05:46
Despedimos esta segunda avaliación lembrando algúns dos momentos compartidas polo grupo de Francés de 4.° da ESO e 1.° BAC na viaxe cultural a París, organizada pola profesora do Departamento de Francés, Iria Méndez.
Cinco intensos días con visitas aos principais museos da cidade e lugares emblemátivos como a Torre Eiffel.
Agora toca dar a benvida ás vacacións de Semana Santa. Descansade e collede folgos, o día 2 voltamos!

"XOIAS DE PAPEL"

Enviado por Zalaeta o Mar, 14/05/2024 - 05:42
Despedimos esta semana coas fotos da exposición que preside o recibidor do instituto. 'Xoias de Papel' está elaborada coas aportacións realizadas por profesorado e alumnado do centro deses libros que para eles e elas son unha auténtica xoia. Un tesouro que gardan con agarimo e que significa algo nas súas lembranzas, polo que lles ensinou, polo seu contido ou porque, simplemente, ese libro foi a semente cara a novas intereses ou aprendizaxes.
[Actividade organizada polo equipo de Biblioteca 'Zalabiblio']
 

 

VISITA AO XULGADO DE INSTRUCCIÓN

Enviado por Zalaeta o Mar, 14/05/2024 - 05:40

O alumnado de Filosofía de 4.° ESO e 2.°BAC tivo a oportunidade de asistir ás vistas de xuízos no Xulgado de Instrución N°6, presidido pola Maxistrada María Jesús García García. Unha experiencia moi interesante, sen dúbida moi instrutiva e que lembrarán no futuro

GIRA JÓVENES COCA COLA

Enviado por Zalaeta o Mar, 14/05/2024 - 05:38

Neste curso dous grupos de alumnado do ciclo medio de 1.° do ciclo medio de Actividades Comerciais está a participar na 'Gira Jóvenes CocaCola', unha iniciativa de @cocacola_esp que pretende impulsar o acceso ao mercado laboral dos e das estudantes de FP. Na última formación, celebrada no @fundacionjorgejove , o alumnado completou unha nova fase formativa e, ademais, desfrutou dunha visita guiada ao Museo de Automoción e Historia.

ERASMUS

Enviado por Zalaeta o Mar, 14/05/2024 - 05:34
Nestas semanas produciuse a incorporación á FCT do alumnado de ciclos formativos. Entre eles, un grupo de 12 alumnos e alumnas están a realizar a súa formación en empresas de Turquía, Alemaña, Holanda e Suíza grazas á experiencia #Erasmus+
Desexámosvos a todos e a todas unha boa experiencia internacional!

PREVISEL

Enviado por Zalaeta o Mar, 14/05/2024 - 05:29
Hai unhas semanas alumnado dos ciclos formativos de Actividades Comerciais, Xestión de Vendas e Espazos Comerciais e Comercio Internacional visitou en ExpoOurense a feira Previsel, o 17° Salón da Prevención e a Seguridade Laboral.
Nesta feira, o alumnado tivo a oportunidade de coñecer as últimas novidades en técnicas de prevención de riscos laborais que alí se espuxeron e participar nas diversas actividades programadas e impartidas en colaboración co ISSGA, a Asociación de Técnicos de Emerxencias Sanitarias de Galicia e Cruz Vermella, entre outros.
Mentres unha parte do alumnado participaba no obradoiro de primeiros auxilios aprendendo e practicando a limpeza e sutura de feridas, outros grupos recibiron adestramento na reanimación cardiopulmonar e o uso de extintores.
Asemade, o alumnado puido coñecer distintas novidades expostas tales coma o uso de drons para a vixilancia de incendios, as actividades da Axencia Galega de Emerxencias ou o uso das gafas de realidade virtual para a promoción de hábitos de vida saudables.
Por outra banda, o profesorado que acompañaba tovo, ademais, a oportunidade de coñecer de primeira man novidosas técnicas de reparación dos danos causados na pel por axentes químicos.

Últimos Artigos

máis

Theme by Danetsoft and Danang Probo Sayekti inspired by Maksimer