Unha vez máis, o noso centro está de noraboa: resultamos gañadores da III Edición dos Premios Jules Verne de Ciencias e Investigación en Lingua galega, organizados polo concello de Redondela.
O noso agradecemento ao concello pola convocatoria deste premio, co contribúe a unha meirande implicación nas materias de estudo do currículo por parte do alumnado, animándoo a participar en proxectos educativos que se poidan facer visibles fóra do ámbito académico e acaden un certo recoñecemento social.
E, desde logo, parabéns aos nosos rapaces e rapazas gañadores/-as, porque non só foron quen de investigar senón que tamén souberon superar as dificultades que supón o traballo en equipo: colaboración, reparto de responsabilidades, respecto...
Os premiados foron:
Na MODALIDADE DE CIENCIAS:
- Primeiro premio: NICOLÁS FERNÁNDEZ GONZÁLEZ e ALEIXO GONZÁLEZ VIDAL, polo seu traballo "HÉRCULES C130: modelo de fósil".
- Segundo premio: PEDRO COMESAÑA AMOEDO, MANUEL OTERO ÁLVAREZ, ALEIXO GONZÁLEZ VIDAL e NICOLÁS FERNÁNDEZ GONZÁLEZ polo seu traballo "SICOMOTRONIK: modelo de galaxia".
Na MODALIDADE DE INVESTIGACIÓN EN LINGUA GALEGA:
- Primeiro premio: ANTÍA BLANCO BALADO, MARIAM CHARAFI, HIBA EL OUARARI, ÁNGEL GONZÁLEZ MUÑÍZ e MARCOS PERALTA VALENTE polo seu traballo "A LINGUA E A CULTURA GALEGA VISTAS DESDE FÓRA: inmigrantes e interculturalidade en Redondela".
- Segundo Premio: GLORIA PERRINO RAÑA, ELIAS COSTAS BOUZAS, LAURA REYES PÉREZ, ANDREA DUÁRTE RODRÍGUEZ e OFALE BASTOS FERNÁNDEZ polo seu traballo "A FLORA DA CONTORNA DO IES MENDIÑO: achega aos usos tradicionais das árbores e plantas que rodean o instituto".