Premios

O IES Mendiño de Redondela fíxose no día onte, 13 de marzo, co primeiro premio da fase provincial do Club de Debate. Nesta edición do Club de Debate participaron máis de 80  alumnas e alumnos de diferenes institutos, que debateron sobre o tema: "Hai racismo e xenofobia en Galicia?".
Os participantes tiveron que defender, en dous debates diferentes,a postura "a favor" e "en contra" do tema proposto. O IES Mendiño defendeu a postura "en contra" fronte ao IES Valle Inclán de Pontevedra e a postura "a favor" fronte ao IES Sánchez Cantón, tamén de Pontevedra. Nos dous debates se impuxeron as mozas e mozos de Redondela, que non só gañaron, senón que as súas intervencións acadaron as maiores puntuacións de todo o certame. 

As alumnas e alumnos do IES Mendiño, de 3º curso da ESO, enfrontáronse nos dous debates a alumnado de Bacharelato.  Con este primeiro premio, o equipo de Redondela acadou un cheque de 500 euros e a clasificación para a final galega de Debate que terá lugar o vindeiro 11 de maio.

Novamente estamos de noraboa porque as nosas alumnas de 3ºESO: Estela Muiños Gargamala e Marta Míguez Monteagudo obtiveron o 2º e o 3º premio respectivamente neste Certame Literario que o CEIP de Reboreda vén organizando dende hai anos.

Os nosos parabéns para estas alumnas e para todos aqueles que participaron nesta edición. E o noso agradecemento tamén, xunto cos nosos ánimos, para o centro polo seu estupendo labor.

Noraboa ás nosas alumnas Patricia Villar Suárez e Antía Sobrado Lago porque resultaron gañadoras do 1º e 2º premio do concurso de relatos organizado polo CEIP Santo Paio de Abaixo (Reboreda), un certame dirixido a todo o alumnado de secundaria do noso Concello.

Unha vez máis, amosamos o noso orgullo polo noso alumnado e a nosa ledicia porque tivesen a sorte de recibiren estes premios.

E, como non, os nosos parabéns ao Colexio de Reboreda por levar adiante unha iniciativa tan interesante como este certame literario no que non só se prima ter imaxinación e saber escribir, senón que tamén se contribúe ao tan importante e necesario proceso de normalización lingüística. Ánimo e adiante con proxectos deste tipo!!!

O xurado decidiu outorgar o premio á obra Diván no Teucro, cuxo autor é Anxo Bello Solla, alumno de 2º de bacharelato do noso instituto.

Os nosos parabéns para o noso ben querido alumno e o noso desexo de que siga recollendo premios, algo que estamos seguros vai suceder, pois o enriquecemento das súas múltiples lecturas, o seu ben escribir e a súa sensibilidade son os alicerces dun bo poeta.

Outro ano máis estamos de noraboa. Andrea González, Verónica Valente e Adrián Matilde resultaron gañadores do certame literario “Da Reboraina”, organizado pola Biblioteca e o Equipo de Dinamización Lingüística do CEIP Santo Paio de Abaixo

1º PREMIO: "A DERRADEIRA CARTA" ANDREA GONZÁLEZ ÁLVAREZ (2º ESO)

2º PREMIO: “CONTARCHE" VERÓNICA PERALTA VALENTE (2º ESO)

3º PREMIO: “O QUE NOS TOCA VIVIR” ADRIÁN MATILDE GONZÁLEZ (2º ESO)

Os nosos parabéns para estes nosos rapaces e os noso parabéns tamén para o Colexio de Reboreda que tanto e tan ben está a facer a prol da cultura e da lingua de noso. Ánimo e que non decaian os azos!

.

.