CONCURSO DE DEBATE "PARLAMENTO XOVE"

Este venres e sábado, alumnos de Bacharelato procedentes de 21 centros educativos de toda Galicia (distribuídos en 28 equipos) reuniranse na Deputación da Coruña para debater se “a crise económica global está a servir para que a xuventude tome conciencia dun consumo responsable”. O pasado 16 de febreiro foron os alumnos de terceiro e cuarto de ESO os que abordaron a mesma cuestión no Pazo de Mariñán.

O equipo que representa ao IES de Melide está conformado por Antonio Cagide Varela, Iria Adán Penas, Nuria Rouco Mejuto, Pablo Vilariño Tarrío; coordinados pola profesora María Dolores Vázquez García (Dep. Filosofía). Nesta imaxe podemos ver tamén ao resto dos integrantes do Club de Debate do IES de Melide.